Read Talaud DARALO 85 Bible Online

DARALO 85 - Talaud bible

DARALO 85

¹Su piaṛṛa'u mangangantari. Daralon ṛuanganni Korah.

²I'o mal᷊uassa su letang-Ngu, oh MAWU, al᷊al᷊uassu Israel buatte niapaweleng-Ngu apia.

³I'o buatte nangampunga manga rosan al᷊aṛṛanang-Ngu; I'o nangonggolu ampungnge al᷊awo'u pasasal᷊ane.

⁴I'o tate lai masa'u si mangitou; asasa'u-Nu apan wahewalla niapaweleng-Ngu apia.

⁵Pawelenga'awe i yami, oh Ruata mananal᷊amatti yami, ariete masa'u apia si yami.

⁶Sarangkal᷊o'engnge I'o massa'u si yami, wuṛṛu sidutu masa'u sara maṛṛawa mappulunna?

⁷Tohassawe apia i yami tadea'u i yami al᷊aṛanang-Ngu lulluassa ana waugu patatul᷊ung-Ngu.

⁸Pal᷊iatta'e manungku I'o sidutu marangngu si yami, oh MAWU, i yami onggol᷊eten al᷊amatta wuas-Si'o.

⁹I ya'u maapulu maddaringikka wisaran MAWU Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

¹⁰Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

¹¹Darangngu wuṛṛu tatuṛṛutta sarun masasomba, atatul᷊idda wuṛṛu paddarame sarun mallaṛṛa'uppa.

¹²Tatuṛṛuttu taumata sarun tumuwo wuassu runia, wuṛṛu atatul᷊iddu Ruata mattembo wuassu langitta.

¹³MAWU nangongolu apianne, ne leta'i ite sarun mangonggolu hessine.

¹⁴Atatul᷊idda sarun malliuṛṛoro MAWU, wuṛṛu mandiahi lal᷊an-Ne.