Read Talaud DARALO 92 Bible Online

DARALO 92 - Talaud bible

DARALO 92

¹Aantarin Allon Sabat.

²Mapiawe atonna maadiangkamanna Si'o, oh MAWU, wuṛṛu maddalo Si'o, Ruata Apan Atanggaṛṛanne;

³mamasingkattu darangngu-Nu sutempo marua allo, wuṛṛu apapia-Nu sutempo maṛṛabbi,

⁴lapiddu mannengkella hitare tal᷊ine mapul᷊o, rarundinganannu gambus wuṛṛu kecapi.

⁵Ana waugu inolaan-Nu maal᷊uassa naungku, i ya'u mangngantari lulluassa ana waugu manara-Nu.

⁶Aroddi ahewalle manga inolaan-Nu, oh MAWU, aroddi alal᷊umme manga ṛingiran-Nu!

⁷Taumata woddo tawe maasunna, taumata longonna maaṛṛingidda.

⁸Wotongnge mariaddi taumata maṛṛagissa tuttuwo ere nannal᷊o, wuṛṛu taumata lal᷊eo aatambanna paa'ala wuṛṛu mabbiakka su al᷊al᷊uassa; arawe i mangitou sarun pateanna tawe lambene,

⁹ana waugu I'o, MAWU, uataṛṛino sarangkal᷊o'engnge.

¹⁰I yami masingkatta seen-Nu sarun pateanna, oh MAWU, anambon taumata lal᷊eo sarun isal᷊iawukka.

¹¹I'o na'ola'a si ya'u atohassu bantenga lul᷊u, wuṛṛu nangal᷊amatta si ya'u ringannu lal᷊umanna'a.

¹²I ya'u naasilo ararugin manga see'u, manga taumata apan buatte nilumawanga si ya'u, hol᷊agi mangitou apan lal᷊eo niaringiṛṛangkute.

¹³Taumata matul᷊idda mattumballa ere alu kurma, wuṛṛu tumuwo masuwukka ere alu cemaran Libanon.

¹⁴I mangitou naal᷊ihidda punnu alu apan nisuanna su Wal᷊en MAWU, wuṛṛu sinumindumunna su Wal᷊en Ruatan kite,

¹⁵alu apan ta'e mabbua sutempo i tou nahurangke, sidutu nangelomma wuṛṛu masuwukka.

¹⁶Eteudde tatialane manungku MAWU matul᷊idda; i tou mananahe'u wuṛṛu i Tou tawe mamahia.