Read Talaud DARALO 96 Bible Online

DARALO 96 - Talaud bible

DARALO 96

¹Pangantarite aantari wakku su MAWU! Pangantarite su MAWU, ei ahewallu runia!

²Pangantarite su MAWU wuṛṛu paddalote si Tou; miallo-miallo pasingkata'e watti'u al᷊al᷊uassa manungku i Tou buatte nanal᷊amatta si ite.

³Wattia'e awawantu-Ge su manga walahanna, wuṛṛu manga inolaan-Ne apan matohassa su umattu taumata.

⁴Ana waugu wahewalle MAWU, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

⁵Manga mongannu walahanna waine tumba'u paal᷊uanna sassubbanna, arawe MAWU uddewe mallal᷊anginnu winalanganna.

⁶I Tou aoosannu awawantuga wuṛṛu lansiangnga, Wal᷊en-Ne napenen taṛṛino wuṛṛu araṛamaga.

⁷Paddalote MAWU, ei umattu taumata, paddalote awawantu-Ge wuṛṛu atatohan-Ne!

⁸Paddalote aran-Ne apan mawantuga, wuṛṛu apira'e sasamba sulal᷊ammu Wal᷊en-Ne.

⁹Passubbate MAWU ringannu ual᷊uṛṛen laubbu patataṛṛamawu! Pangindote su saruan-Ne, ei ahewallu runia!

¹⁰Wattia'e su manga walahanna, “MAWU udde Ratu! Runia matohassa tawe ia'io'a; i Tou sarun makkuungngu manga walahanna ringannu atatul᷊idda.”

¹¹Lallala'e, ei langitta wuṛṛu runia! Paddallu'e ei tahal᷊oangnga ringannu anambon lal᷊oṛṛone!

¹²Lalluasse, ei wadda'a wuṛṛu al᷊awo'u sasuanne! Manga punnu alu su mahurangnge sarun maggio.

¹³Ana waugu MAWU rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.