Read Talaud AMSAL 26 Bible Online

AMSAL 26 - Talaud bible

AMSAL 26

¹Naal᷊ihidda uranna sutempon tandiawa, wuṛṛu eisse sutempon paddissa, aroddi lai daralo su taumata woddo, tawe su ṛinone.

²Naal᷊ihidda manu'u winalanganna tuttalla'a wuṛṛu mannalangnga su winalanganna, aroddi lai wawontoga tawe maṛṛino su taumata apan tawe sal᷊ane.

³Keledai ṛinone suṛṛiannu tal᷊ingngirunne, awal᷊o ṛinone wabbal᷊anna, aroddi lai taumata woddo ṛinone puul᷊anna.

⁴Taumata apan sussimbakka aiwal᷊on taumata longonna, uasul᷊ungnga awawoddone ringannu taumata udde.

⁵Aiwal᷊o apan woddo ṛinone simbaṛṛanna ringannu sasimbakka apan woddo lai, tadea'u isai naiwal᷊o masingkatta manungku i tou wal᷊ine pande ere apan ilaṛṛangngone.

⁶Mandolokku sangkatou taumata woddo iapaapiddu watti'a, nassul᷊ungngu ere namaddi ledda sassane wuṛṛu naddea'a asasilaka.

⁷Naal᷊ihidda taumata lome napaattu leddane, aroddi lai taumata woddo apan mabbisaran tatatinro.

⁸Maddalo taumata apan tawe asingkanne, naal᷊ihidda nangiittu watu masagga-saggada su wawaretane.

⁹Naal᷊ihidda taumata wu'anna mapasabbangngu tune wuassu limane, aroddi lai taumata woddo apan mabbisaran tatatinro.

¹⁰Isai mapamanaran taumata woddo ara'e walate taumata sarun maarugi anambon taumata.

¹¹Naal᷊ihidda asu nabelengnga nangalluppa mutane, aroddi lai taumata woddo apan nanul᷊en awawoddone.

¹²Taumata woddo ta'e lai mappianne wuassu taumata apan massunna watanganne pande.

¹³Iapa malassa apulune uatana'a su wal᷊en; i tou mabbisara “Pia singa su liudde, i ya'u wotongnge sametanne su tangngan dal᷊anna.”

¹⁴Naal᷊ihidda ngara tuttiri su hensellene, aroddi iapa malassa u'awilingnga su tattereanne.

¹⁵Pia taumata apan malassa nangillembo; mamo'on kanna lai su moṛṛongnge lai tawe maola'a.

¹⁶Iapa malassa massunna watangnge mannamboanne apande wuassu siri pitu taumata apan sinumimbakka naṛṛino.

¹⁷Taumata apan ma'ilal᷊o'an batanganne sulal᷊ummu patatiakka apan wal᷊ine hattone naal᷊ihidda taumata apan mannametta asu matengnga su tal᷊ingane.

¹⁸Taumata apan mallinga, see mabbisara, “I ya'u tumba'u ual᷊al᷊akkangnga,” nassul᷊ungngu taumata wewa apan mannal᷊angnga lutangnga apan maasilaka.

²⁰Napawe alu nappusse, ne putungnge mappaddumpe; napawe iapa tal᷊imoṛṛonganna tate baddi'a, ne patatiakka lai nasuete.

²¹Naal᷊ihidda munsingnga wuṛṛu alu apan sidutu maarenggamma putungnga; aroddi lai taumata apan apulune uatatiakka malloso pabbawawul᷊o.

²²Oddatta udde matemangnga pendamanne; taumata apulune mangalluppa udde.

²³Naal᷊ihidda urinna leta'a nioosannu sal᷊a'a, aroddi lai taumata matemangnga su moṛṛongnge arawe naungnge lal᷊eo.

²⁴Taumata mabbinsi matemangnga manga wisarane arawe naungnge napenen bawahia.

²⁵Salaiwe i tou masaṛṛionto'a, arawe arie pangimanna; ana waugu awawinsi uataṛṛino naungnge.

²⁶Salaiwe i tou mammunin awawinsine, anambon taumata sarun maasilo al᷊al᷊eone.

²⁷Isai apan naal᷊i loṛṛangnga ipaggau taumata waine, i tou sarun mataṛṛo sulal᷊umme. Isai manal᷊inggin batu tadea'u ipangumpisanna taumata waine, i tou sassane apan sarun aumpisanannu watu udde.

²⁸Mammahia taumata nassul᷊ungngu ere maddantinne. Wisara matemangnga mandantan silaka.