Read Talaud MANNANASE 4 Bible Online

MANNANASE 4 - Talaud bible

MANNANASE 4

¹Wua'udde nanutukka lai al᷊awo'u awawengkolla apan nariaddi su runia indi. Manga taumata apan niallangnga lulluai wuṛṛu taweddu apan apan mappulu mangontolla si mangitou. Tawe saran sangkatou apan mappulu massumbala, ana waugu manga mangangallangnga udde uatahuanna taṛṛino apan wahewalla.

²Naungku lal᷊eo mannaungnga manga taumata apan mal᷊annute nate ana waugu i mangitou lembon mal᷊uassa wuassu manga taumata apan ta'e wiakka.

³Arawe taumata lembon lulluassa lai eteudde manga taumata apan taambe niasungkangnga, ana waugu i mangitou taambe naasilo al᷊al᷊eo apan niola'a su runia indi.

⁴I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

⁵Naudde, tumba'u taumata woddo apan ua'ianna uawangunna pul᷊a'i wuṛṛu namalan batanganne mate amal᷊unusanna.

⁶Asinungka udde atonna, arawe mappianne darotongnga addio'a rarundinganannu atatammuddu naungnga wuassu mammanara masahadda mappaattu ta'iakka darua wuṛṛu mangngenggenna anginna.

⁷Ta'e pia lai apan tawe gunane sulal᷊ummu pabbiaṛṛanna indi.

⁸Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

⁹Ruan katou lembon ma'untunganna wuassu tumba'u sangkatou. Amungkangngu itarua mammanara, hessine lembon mappianne.

¹⁰Amungkangngu iapa sangkatou nanawo iapa waine wotongnge mantul᷊ungnga. Arawe amungkangngu sangkatou nanawo, sumbal᷊i i tou sassane, nasilakate i tou, ana waugu taweddu mantul᷊ungngi tou.

¹¹Su ṛabbi apan masunge, ruan katau apan uananunutta wotongnge maasal᷊ihangnga, arawe ereapa taumata wotongnge masalihangnga amungkangngu sassane?

¹²Ruan katon apan inai sumal᷊ele suaddio'a wotongnge mal᷊inda'u pabbawawul᷊o, arawe taumata apan sassane mal᷊uassa iawaddo. Tallun bua tal᷊i apan niandongnga naola'a sambau, masahadda pamassutanne.

¹³Taumata asingnga wotongnge maola'a ratu, wuṛṛu sangkatou taumatan tuttupanna wotongnge uma'ianna su adderan araratuanna. Arawe napewe timmaddete ratu udde tumaniten woddo manarimmattu tatantiro, ne pal᷊addu pabbiaṛṛanne maddal᷊eoanna wuassu umbasanna asiangnga arawe pande.

¹⁵I ya'u maṛṛingiddu anambon taumata su runia indi, ne i ya'u naatutukke manungku suwallatti mangitou sarun pia sangkatou umbasanna apan sarun mallol᷊ossa ratu.

¹⁶Tumana'a apan nipiaṛṛangnge wotongnge mariaddi tawe iareengnga anambone, arawe napawe i tou tate baddi'a, taweddu saran sangkatou apan maadiangkamana ara'e mannaungnga inasaharanne. Atonna, sarangkanambone sia-sia ere manara mangngenggenna anginna.

¹⁷Paatehamma amungkangngu inai su Wal᷊en MAWU. Mappianne umanu isudde massal᷊umma al᷊aṛṛa'a wuassu inai mangonggollu sasamba. Ere a'olaannu manga taumata woddo. I mangitou wagga mapapaṛṛala suapa apan naṛṛino wuṛṛu suapa apan nassal᷊a.