Read Talaud ANTARI MAWANTUGA 2 Bible Online

ANTARI MAWANTUGA 2 - Talaud bible

ANTARI MAWANTUGA 2

¹I ya'u tumba'u bunga rosi wuassu Saron bunga hal᷊ohomma su manga wawal᷊anne.

²Naal᷊ihidda bunga hal᷊ohomma su tangngan ṛoa'a aroddi lai arangnguangku su tangngan manga sinangianna.

³Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

⁴I ya'u niapidde su andeangnga, aellege si ya'u napenen darangngu.

⁵Tohassawe i ya'u ringannu temangngu wuan anggore, tohassawe i ya'u ringannu wuan apel, ana waugu i ya'u maradda'u paapulu.

⁶Limane aiṛṛi uatumpilla pua'u, limane aikkatanna uaṛṛa'uppa si ya'u.

⁷Paddiandite, ei manga maṛṛualan Yerusalem, ringannu manga rusa wuṛṛu manga kijangnga su wadda'a, manungku i yamiu tawe manal᷊asa'u paapulu, ma'oman sara i tou iapa'ualla.

⁸Paddaringikka! Tatuno naungku nirumanta! I Tou naal᷊ihidda ana'u rusa ara'e kijangnga. Sussassolo'a su manga wowone, sussassolo'a su manga wuidda. Pa'ellega, su samba'an darandungnga i tou uarisikka, ringannu matane i tou maddea'a; mallinge wuassu taralin jandela.

¹⁰Paddaringikka, tatuno naungku nabbisara si ya'u. Rantate apulu'u, wette tatuno naungku!

¹¹Pa'ellege, tempon masunge nal᷊iudde, tempon manguranna nal᷊iute.

¹²Su wailla manga bunga nangkawu'ate; tempo mangitingnga nia'omante; tingikku bakiangnga iaaringikka su leta'i ite.

¹³Punnu ara mannattakke mabbua, punnu anggore mawangngi bungane. Rantate tatuno naungku, wette arangnguangku.

¹⁴O merpati'u su manga wallattu watu su pa'imbuniannu wawal᷊anne pia rampissa, wala'e i ya'u ma'ellega hatinu, wuṛṛu maddaringikka tingikku, ana waugu hatinu maṛṛamaga, tingikku matelengnga.

¹⁵Taappe manga asun ahuranganna udde, manga asun ahuranganna maraddio'a apan manggohakku waillu anggore, ana waugu waillu anggori yami tantal᷊anna mabbunga.

¹⁶Tatuno naungku pussaa'u, wuṛṛu ia'i tatahuananne, i tou mallu'adda manga dombane suwallattu manga bunga hal᷊ohomma

¹⁷na'oman sara anginna tinumiuppa marua allo apan namul᷊in ararandummu ṛabbi. Pabbelengke, tatuno naungku, naal᷊ihidda kijangnga, naal᷊ihidda ana'u rusa su panenteannu Beter.