Read Talaud ANTARI MAWANTUGA 4 Bible Online

ANTARI MAWANTUGA 4 - Talaud bible

ANTARI MAWANTUGA 4

¹I'o maṛṛamaga atonna, arangnguangku, atonna, i'o tumaniten maṛṛamaga. Matanu sulal᷊ummu tatindungu naal᷊ihidda merpati; utangngu naal᷊ihidda ammul᷊annu ambinga apan lullintukka su manga wuiddu Gilead.

²Isinu mawira naal᷊ihidda ammul᷊annu domba apan wakkute nipol᷊o wuṛṛu nireno; uapapare naal᷊ihidda manga ana'u domba ṛindua, saran sambau taweddu nawul᷊i.

³Wiwikku naal᷊ihidda sambua pita maṛṛamutta, wuṛṛu maṛṛansangnga moṛṛongngu. Wambalanu naal᷊ihidda wuan delima niwa'a, uawuni sulal᷊ummu tatindungngu.

⁴Ullekanu naal᷊ihidda candin Daud, apan niola'a tadea'u pangadoannu lutangnga. Wul᷊elenu ere saṛṛiwu allungnga papuullu manga atumannaṛṛanne sarangkanambone.

⁵Susunu naal᷊ihidda ana'u rusa darua, ana'u kijangnga ṛindua apan tantal᷊anna mannioma suwallattu manga bunga hal᷊ohomma.

⁶I ya'u mappulute inai su wowon mur, watukku wuiddu amania, ma'oman sara tumiuppa anginnu marua allo apan mamul᷊in ararandummu ṛabbi.

⁷I'o maṛṛamaga atonna, arangnguangku, tawe sangkulle i'o.

⁸Wette iaddua sumossokke wuassu Libanon, pare'u, wette iaddua sumossokke wuassu Libanon. Sossokke wuassu puiddu Amana, wuassu puiddu Senir wuṛṛu Hermon, tampa atatanaannu macan tutul wuṛṛu singa.

⁹I'o maatuno naungku, tuari, pare'u, i'o maatonu naungku ringannu aellegu, ringannu permata maṛṛansanga su wul᷊elenu.

¹⁰Atemangnga eteapa apulunu, tuari, pare'u, mattemanganna marau wuassu anggore. Lananu mawangngi mammammu'a, nanampal᷊iu wuassu al᷊awo'u hatin rampa.

¹¹Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

¹²Arangnguangku udde wailla pia tatandange, wailla pia tatandange, al᷊imatan kua'e ua'unsi.

¹³Poiaroddi tinumuwo manga punnu alu delima, ringannu manga wuane apan matemangnga. Wunga soṛṛongu manu'a wuṛṛu narwastu,

¹⁴narwastu, unidda, alu manissa wuṛṛu tuwu, ringannu al᷊awo'u punnu alu amania. Mur wuṛṛu gaharu, ringannu al᷊awo'u hatin manga rampa nipile.

¹⁵Al᷊imatan kua'e su wawail᷊angku mappasabbangngu ua'en pabbiaṛṛanna apan mangngelekka wuassu Libanon!

¹⁶Pabbangunte, ei anginna sawannakka, rantate, ei anginna timukka! Pattiuppe wuassu wawail᷊angku, tadea'u hal᷊urune tumopangnga. Antimanna arangnguangku rumanta su wawail᷊anne, wuṛṛu umanna manga wua apan mangkatemangnga.