Read Talaud ANTARI MAWANTUGA 6 Bible Online

ANTARI MAWANTUGA 6 - Talaud bible

ANTARI MAWANTUGA 6

¹Watukkuapa arangnguannu inai, ei maṛṛuala apan aṛṛamahanne? Watukkuapa arangnguannu inai, tadea'u i yami wotongnge maddea'a si tou?

²Arangnguangku inai aroddi su wawail᷊anne, watukku waillu rampa-rampa inai lai mallu'adda manga domba su wailla, wuṛṛu manappo manga hal᷊ohomma.

³I ya'u tatahunannu arangnguangku, wuṛṛu i tou pussaa'u, i tou mallu'adda manga domba su pattangngannu manga bunga bakung.

⁴I'o maṛṛamaga arangnguangku, ere aṛṛansangngu soa Yerusalem, ere aṛṛamagu soa Tirzah. I'o tumaniten maatuno naungnga, naal᷊ihidda wuntuannu tantara ringannu waneṛṛane.

⁵Biṛṛua'e hatinu wuassi ya'u, ana waugu paa'ellegu maatiangnga si ya'u. Utangngu naal᷊ihidda ammul᷊annu ambinga apan sussossokka wuassu manga wuiddu Gilead.

⁶Isinu mawira naal᷊ihidda ammul᷊annu domba apan wakkute nipol᷊o wuṛṛu nireno; uapapare naal᷊ihidda manga ana'u domba ṛindua, saran sambau taweddu nawul᷊i.

⁷Wambalanu naal᷊ihidda wuan delima niwa'a, uawuni sulal᷊ummu tatindungu.

⁸Salaiwe pia annummu pul᷊o wo'i, wuṛṛu ual᷊un pul᷊o awingnga su liudde, see lai manga maṛṛuala apan manambo atonna,

⁹Arawe tumba'u sangkatou merpati'u, arangnguangku, ana'a tinggassa iaakkannu inangngene. Manga maṛṛuala ma'ellega wuṛṛu maddalo si tou, manga wo'i wuṛṛu awingnge su liudde tuttiangnga si tou.

¹⁰Isaite i tou nirumanta naal᷊ihidda matannallo sussabbanga, ere aṛṛansangngu wul᷊anna rumaria, ere atilangngu matannallo? I tou tumaniten maanemma, naal᷊ihidda wuntuannu tantara ringannu manga waneṛṛane.

¹¹I ya'u nirumanta su wawail᷊annu nakki, ma'ellega manga wantin bunga su wawal᷊anne; tanne punnu anggore piate lal᷊uwone, wuṛṛu punnu delima nakkuangke.

¹²I ya'u tumaniten uaantimma darangngunu, ere i ya'u maapulu suma'e keretan pangalo suadio'a ringannu manga papunna.

¹³Passal᷊aingke, ei maṛṛualan Sulam, tattirite, tadea'u i yami tumiangnga. Anio i yamiu mappulu ma'ellega si ya'u, tantal᷊anna i ya'u massal᷊aingnga su tangngan mabbawiala?