Read Talaud ANTARI MAWANTUGA 7 Bible Online

ANTARI MAWANTUGA 7 - Talaud bible

ANTARI MAWANTUGA 7

¹O, maṛṛuala apan lullaukka, maṛṛamaga atonna leddanu ringannu silopenu udde. Le'onnu wantiṛṛanu naal᷊ihidda lal᷊ogakka, lanna'u liman sangkatou pande manguitta.

²Pusiddu naal᷊ihidda mangko mal᷊imbulunna apan tawe atalannu anggore nilo'anna. Tiannu naal᷊ihidda gandumma ua'ombo, papal᷊iwutannu manga bunga hal᷊ohomma.

³Susunu naal᷊ihidda ana'u rusa darua, kijangnga ṛindua.

⁴Ullekkanu naal᷊ihidda candi wuassu gadinga. Matanu naal᷊ihidda manga li'u su Hesybon, maranin ngara Batrabim. Ngirunnu naal᷊ihidda candi su Wowon Libanon, apan uasaruannu soa Damsyik.

⁵Puanu naal᷊ihidda wuiddu Karmel; utangngu apan nisal᷊apidda naal᷊ihidda lembayung, maatiangnga ewe'e lai sara sangkatou ratu.

⁶Maṛṛamaga atonna i'o, apan arangnguanna suwallattu apan ilalluassa.

⁷Waddangngu naal᷊ihidda aṛṛansangngu punnu kurma, susunu raddagu wuane.

⁸I ya'u mappulu mangawitta punnu kurma udde, wuṛṛu manganu manga wuane. Antimanna susunu naal᷊ihidda raddagu wuan anggore, singangunu naal᷊ihidda awawangngin wuan apel,

⁹moṛṛongngu naal᷊ihidda atemangngu anggore! Wala'e anggore udde mangelekka ringannu arangnguangku, ringannu tawe illol᷊one; wuṛṛu mapasabbangngu apulun naungnga, ewe'e lai taumata apan tantal᷊anna mattiilla.

¹⁰I ya'u tatahuanannu arangnguangku, i tou maapulu'u.

¹¹Weette iaddua inaite watukku wadda'a, arangnguangku, wuṛṛu manaṛṛabbi si wailla su pattangngannu manga bunga soṛṛongu manu'a.

¹²Weette iaddua maṛṛanggapa inai su wailla, wuṛṛu ma'ellega tanne punnu anggore nallal᷊uwote, tanne punnu delima nakkuangke. Poiaroddi i ya'u sarun mangonggollu naungku si'o.

¹³Punnu saguere hal᷊urune mawangngi, maranin ngaran kite pia manga wua matemangnga, apan mal᷊annute niti'o wuṛṛu iapa wakku; udde ta'u niaddo si'o, arangnguangku.