Read Talaud YESAYA 12 Bible Online

YESAYA 12 - Talaud bible

YESAYA 12

¹Sarun dumanta tempone i yamiu mangantari: “MAWU, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

²Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

³Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

⁴Sarun a'omanna tempone i yamiu mabbisara, “Pa'adiangkamante su MAWU, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

⁵Pangantarite paddalo MAWU, ana waugu i Tou na'ola'a manambo al᷊aṛṛindu'a. Wala'e ahewallu runia maddaringikka ola'u inolaan-Ne.

⁶Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”