Read Talaud IMAMATTA 15 Bible Online

IMAMATTA 15 - Talaud bible

IMAMATTA 15

¹MAWU nangonggolu manga atoranna indi si Musa wuṛṛu si Harun

²maola'a atorannu walahannu Israel. Amungkangngu pia sangkatou napassabangngu nana ana waugu radda'u esakka, nana udde ma'arantinna,

³mawae ete nasabbangnga aroddi lai nataṛṛanganna sulal᷊umme.

⁴Tampa apan nia'aiananna ara'e niatiil᷊annu taumata udde mabbal᷊i ma'arantinna.

⁵Isai-sai apan nangindingnga taumata apan asabbangngu nana su tampan atatiil᷊anne, ara'e niuma'ianna su tampa apan buatte niaiananne, ara'e niadduannu taumata udde, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

⁹Apampakku aiananna su awal᷊o ara'e al᷊awo'a apan niaianannu taumata apan mapaasabbangngu nana udde mabbal᷊i ma'arantinna.

¹⁰Isai-sai apan nangindingnga tampa lanna'a niaianannu taumata udde, mabbal᷊i ma'arantinna maddatingngu matannallo umattuppa. Suapan taumata apan mamasanna luranna udde ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattuppa.

¹¹Amungkangngu taumata apan mapa'asabbangngu nana tawe nangukkassa limane paarorone ana see nangindingnga taumata waine, ne taumata apan niindinganne udde ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umatuppa.

¹²Urinna leta'a apan niindingannu taumata udde ṛinone pesanganna wuṛṛu saranapa apan aagasanne ṛinone ukkasanna.

¹³Amungkangngu taumata udde napiate, i tou ṛinone maṛṛangattu pitu allo lai. Wua'udde i tou ṛinone mabbansalla laungnge wuṛṛu mandeno su al᷊imatan kua'e, ne i tou nawaresite.

¹⁴Su allo aual᷊une i tou ṛinone mangapiddu darua manu'a merpati saṛṛen tumuwo ara'e manu'a bakiangnga saṛṛen tumuwo watukku saruannu ngaran Dasannu MAWU ana see manantilla su imam.

¹⁵Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu MAWU.

¹⁶Amungkangngu sangkatou esakka napasabbangngu sari'a, i tou ṛinone mandeno arawe sidutu ma'arantinna maddatingngu matannallo umattuppa.

¹⁷Al᷊awo'u saranapa wuassu mal᷊aṛṛenessa ara'e pisi apan naturoannu sari'a udde ṛinone ukkasanna; saranapa udde ma'arantinna maddatingngu matannallo umattupa.

¹⁸Napawe buatte natatamba, mawae ete esakka ara'e wawine ṛinone mandeno, arawe itarua sidutu ma'arantinna maddatingngu matannallo umattupa.

¹⁹Sangkatou wawine apan niarantannu radda'u wawine, i tou ma'arantinna al᷊annune pitu allo. Isai-sai apan nangindingnga si tou mabbal᷊i ma'arantinna maddatingngu matannallo umattupa.

²⁰Al᷊awo'a apan niaiananne ara'e niatiil᷊annu wawine su al᷊o'engngu i tou niarantannu radda'u wawine mabbal᷊i ma'arantinna.

²¹Isa-sai apan nangindingnga tampa apan buatte niatiil᷊anna ara'e niaianannu wawine tantal᷊anna niarantannu radda'u wawine, ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattupa.

²⁴Amungkangngu sangkatou esakka natatamban wawine apan tantal᷊anna pia radda'u wawine, esakka udde lai mabbal᷊i ma'arantinna al᷊annune pitu allo, wuṛṛu suapan tampa atatiil᷊anne apan niatiil᷊anne lai mabbal᷊i ma'arantinna.

²⁵Amungkangngu sangkatou wawine niamatannu daṛṛa al᷊annune manga pira allo su liuddu pia radda'u wawine, ara'e amamattu daṛṛa udde tawe matta'alla napawe rada'u wawine nal᷊iudde, i tou ma'arantinna su al᷊annune i tou a'amatannu daṛṛa udde ere lai su tempo i tou pia radda'u wawine.

²⁶Tampa apan niatiil᷊anne ara'e niaiananne su tempo udde, mabbal᷊i ma'arantinna.

²⁷Isai-sai apan nangindingnga tampa udde, lai mabbal᷊i ma'arantinna. I tou ṛinone mabbansalla laungnge wuṛṛu mandeno, wuṛṛu i tou ma'arantinna maddatingngu matannallo umattupa.

²⁸Napawe sasabbangngu daṛṛa udde naddote, wawine udde ṛinone mallaṛṛaddo al᷊annune pitu allo lai. Wakkute udde i tou nawaresite.

²⁹Su allo aual᷊une i tou ṛinone mangapiddu darua manu'a merpati saṛṛen tumuwo ara'e bakiangnga saṛṛen tumuwo ringannu imam su saruannu ngaran Dasannu MAWU.

³⁰Manu'a sambau ṛinone ionggola maola'a sasamba aampungnga rosa, wuṛṛu sambau lai maola'a sasamba itattambunna. Ringannu olangnge udde imam na'ola'a lal᷊aghun pamamaresi wawine udde su saruannu MAWU.

³¹MAWU nandolokki Musa mapaanaungnga walahannu Israel tadea'u manutukka su tempo ereapa i mangitou ma'arantinna wuṛṛu su tempo ereapa tawe, tadea'u i mangitou tawe ma'arantinna Rasanna MAWU apan addone su pattangngannu paddasananni mangitou. Amungkangngu i mangitou na'ola'a Rasanna udde ma'arantinna, ne i mangitou sarun mate.

³²Etearoddi manga atoranna su ola'u esakka apan sasabbangngu nana ana waugu radda'u esakka ara'e asabbangngu sari'a,

³³su ola'u wawine apan pia radda'u wawine, wuṛṛu su ola'u esakka apan natatamba ringannu wawine apan tantal᷊anna pia radda'u wawine.