Read Talaud YEREMIA 47 Bible Online

YEREMIA 47 - Talaud bible

YEREMIA 47

¹Tantal᷊anna ratu Mesir taambe namangalo Gaza, MAWU nabbisara si ya'u su ola'u wanua Filistin.

²MAWU nabbisara, “Pa'ellege, ua'e mangngelekka wuassu sawannakka wuṛṛu tinumompe'a ere sal᷊ukka apan mammanawangnga nangammon banua wuṛṛu lal᷊oṛṛone, manga soa suadio'a ringannu tumanangnge. Taumata sarun mangintul᷊i ma'iontolla wuṛṛu anambon tumana'u wanua sarun lumallu.

³I mangitou sarun maaringikka lempangngu awal᷊o, tingikku haṛṛagittu kereta, wuṛṛu taddungkallu bolane. Ingana'a timmadde mabbal᷊i lome wuṛṛu tate maaṛṛingiddu anangnge.

⁴Nia'omante tempone walahannu Filistin pateanna abbi, na'oman sara Tirus wuṛṛu Sidon tate lai maasomba sasumbala. I Ya'u, MAWU, sarun mamate anambon taumatan Filistin apan lambene wuassu Kreta.

⁵Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?

⁶I yamiu uui, ‘Sara tingngera i'o mamangalo, ore hal᷊elen MAWU? Pabbelengke su papaṛṛangannu wuṛṛu atana'e poiaroddi ringannu matammudda!’

⁷Arawe wotongnge i tou maola'a matammudda, napawe i Ya'u buatte namarenta si tou iapapangalo Askelon wuṛṛu tumana'a su apanne?”