Read Talaud YEHEZKIEL 1 Bible Online

YEHEZKIEL 1 - Talaud bible

YEHEZKIEL 1

¹Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka MAWU nabbisara si ya'u wuṛṛu i ya'u naapendamma atatohassu taṛṛino-Ne.

⁴I ya'u naningngara wuṛṛu ma'ellega anginna tuttiuppa wuassu sawannakka. Sawallo ma'ilatta wuassu sambau winabbawa apan tumaniten bahewalla, wuṛṛu langitta isudde mangke masema-semakka. Sulal᷊ummu sawallo apan ma'ilatta udde niasiloanna pia sambau apan lullendappa ere witu'a.

⁵Su pattangngannu winabbawa udde, i ya'u naasilo siri appatta mala'ekatta eteudde riadianna wiakka apan naal᷊ihidda taumata,

⁶wuṛṛu sambau-sambau pia gatine wuṛṛu ruan pare papaidda.

⁷Leddane matul᷊idda wuṛṛu lullendappa ere witu'a apan niasa. Aṛṛumain leddane pia anuune ere anu'un bantenga.

⁸Su liuddu appatta hati wuṛṛu ruan pare papaidda udde, i mangitou lai pia ta'iakku taumata su al᷊ungngu suapan papaidda.

⁹Sampare papaidda wuassu suapan riadianna udde mati'akka wuṛṛu manga pentakke uaindingnga ringannu papaiddu riadianna waine, na'oman sara appatta riadianna udde naola'a uataṛṛa wu'u appatta. Amungkangngu umal᷊ore, i mangitou sambau-sambau u'al᷊ore matul᷊idda watukku saruanne ringannu tawe maawal᷊elongu wadangnge.

¹⁰Suapan riadianna udde pia appatta hatine apan uapapaṛṛala; hatin taumata su saruanne, hatin singa su aikkatanna, hatin bantenga su aiṛṛine, wuṛṛu hatin rajawali su liudde.

¹¹Sampare papaidda wuassu riadianna udde niapati'akka ire'e na'oman sara nangindinga pentakku manga papaiddu riaddianna su sandiṛṛanne, wuṛṛu papaidde sampare lai lal᷊appuanna uataappa wadangnge.

¹²Sambau-sambau riadianna udde uasaruanna appatta lal᷊anna, na'oman sara i mangitou wotongnge inai suapan tampa ipaapulu mangitou ringannu tawe mamal᷊elongngu wadangnge.

¹³Su pattangngannu manga riadianna udde pia sambau apan aasiloanna ere waṛṛan putungnga ara'e obore lukkenggamma apan u'al᷊ore tawe illol᷊one. Putungnga udde lukkawiassa wuṛṛu maṛṛente'u ṛenggamme ere sawallo.

¹⁴Manga riadianna udde sassane u'al᷊ore inawarendi ere al᷊ihakku sawallo.

¹⁵Tantal᷊anna i ya'u mannutukka sarangkanambone udde, i ya'u naasilo appatta roda su wowon leta'a, sambau roda su sandiṛṛannu manga riadianna udde.

¹⁶Appatta roda udde uasul᷊ungnga wuṛṛu lullendapa ere watu permata, wuṛṛu sambau-sambau uatahuanna sambau roda waine apan uaware su pattangnganne.

¹⁷Ringannu aroddi manga roda udde wotongnge umamatta su lal᷊anna appatta.

¹⁸Manga wolan roda udde napene mata.

¹⁹Manga riadianna udde walate apulu inai suapan tampa ipaapulu mangitou, wuṛṛu manga roda udde sidutu uatantalongnga, ana waugu tataṛṛinoannu manga riadianna udde. Suapan manga riadianna udde umal᷊ore ire'e su winalanganna ara'e mangillol᷊o, manga roda udde sidutu uatantalongnga si mangitou.

²²Su wowon pua manga riadianna udde uaatingnga sambau apan naal᷊ihidda atuppa wuassu kristal apan lullendapa.

²³Su al᷊ungngu atuppa udde suapan riadianna udde mani'akka papaidde watukku riadianna su sambaane, wuṛṛu papaidde sampare lai uataappa wadangne.

²⁴Amungkangngu i mangitou tumalla'a, i ya'u maaringikka tingikku papaidde; tingikke ere ua'e mappampassa, ere lempangngu tantara apan manambo, ere tingikku Ruata Apan Lembontaṛṛino. Amungkangngu i mangitou tawe tumalla'a, i mangitou mallappu manga papaidde,

²⁵arawe wua doso wuassu atuppa su pua mangitou, ta'e aaringiṛṛanna tingikka.

²⁶Al᷊iu rosone su atuppa udde pia sambau saranapa lihidde ere adderan araratuanna wuassu watu nilam, wuṛṛu rosone ua'ianna sangkatou ere taumata.

²⁷Wageangnge rosone aellehanna lukkenggamma ere witu'a su pattangngannu putungnga. Wageangnge wowane masema-semakka,

²⁸wuṛṛu manambo kalurene ere randipakka. Eteudde semakka lullansiangnga apan mapal᷊iatta'u daranta MAWU. Naasilo udde, i ya'u nanawo uarammangnga su leta'a. See i ya'u naaringikka tingikka apan