Read Talaud HOSEA 6 Bible Online

HOSEA 6 - Talaud bible

HOSEA 6

¹Manga taumatan Israel nabbisara, “Wette i ite mabbelengke ringannu MAWU. Ete i Tou apan mannansara si ite, arawe ete i Tou apan sarun mangapia. I Tou apan nallassa, arawe i Tou lai apan sarun mami'unna manga lessang kite.

²Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu MAWU.

³Ana waugu udde wette i ite mattinsahadde atonna-tonna ma'illal᷊a MAWU. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

⁴Arawe MAWU nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

⁵Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

⁶i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

⁷Arawe ere su Adam i yamiu tawe nanuungngu paairenu si Ya'u.

⁸Gilead uddewe soa apan napenen taumata lal᷊eo wuṛṛu taṛṛa pate.

⁹Manga imam su soa udde ere ammul᷊annu taumata taṛṛa ṛampassa apan mangngamo manga taumata sumabbi. Su lal᷊anna apan mattudda tampa susi su Sikhem i mangitou lai ma'ola'a pamamate! Anambon al᷊al᷊eo udde niola'i mangitou ringannu pattatudda.

¹⁰Su Israel i Ya'u naasilo sambau apan maata'utta: uma-U mandal᷊eo watanganne ringannu massubba paal᷊uanna.

¹¹Su ola'i yamiu, ei taumatan Yehuda, i Ya'u buatte nanantunnu tempone makkuumanni yamiu lai ana waugu inolaannu.”