Read Talaud YUNUS 4 Bible Online

YUNUS 4 - Talaud bible

YUNUS 4

¹Yunus mangke tawe mal᷊uassa ringannu olangnge udde; i tou ewe'e lembon mandona.

²Wua'udde i tou inumal᷊iomanna, “Oh MAWU, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

³Orassa indi, oh MAWU, wala'ewe i ya'u mate, ana waugu mappianne i ya'u mate wuassu wiakka.”

⁴Sasimbakku MAWU, “I'o tawe pinangiananne mabbal᷊i masa'u aroddi.”

⁵Wua'udde Yunus inaite watukku samba'a ra'in soa, ana see niuma'ianna isudde. I tou nallanginnu sambau sambengessa wuṛṛu nassirungnga sulal᷊umme, lapidu uaraṛṛaddo apa apan sarun mariaddi su soan Niniwe.

⁶Ne MAWU Ruata napaatuwon sambau sasuanna tuttundo apan nassirungnga si Yunus na'oman sara i tou naapendamma mal᷊uassa. Atonna, Yunus mal᷊uassa ringannu sinuananna udde.

⁷Arawe tiṛṛabbine marua allo maṛṛanggappa, Ruata na'ola'a sambau ul᷊idda niapaanna ṛamuttu sinuananna udde, na'oman sara tinumolangnga.

⁸Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

⁹Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

¹⁰Wua'udde MAWU nabbisara si tou, “Sasuanna indi tinumuwo sulal᷊ummu saṛṛabbi, wuṛṛu i tou tumolangnga su allo manansunna, i'o mangke tawe mapaatuwo ara'e mamaddul᷊i sasuanna udde. Salaiwe aroddi i'o naapendamma massusa ana waugu i tou tinumolangnga.

¹¹Tawe mariaddi i Ya'u tawe masusa maṛṛingiddu Niniwe, soa apan wahewalla udde. Ana waugu wal᷊ine wuassu manga winatangnge apan tawe iareengnga udde, isudde pia lai 120.000 su atoune al᷊aṛṛana'a apan ta'e wagga suapa mapia wuṛṛu suapa al᷊al᷊eo.”