Read Talaud REENGANNA 26 Bible Online

REENGANNA 26 - Talaud bible

REENGANNA 26

¹Napawe asasusa udde nasuete, MAWU nabbisara si Musa wuṛṛu si Eleazar, ana'i Imam Harun,

²“Iraddua ṛinone mandeengngu anambon balagu Israel tumuṛṛuttu amonanne sambau-sambau. Anambon esakka apan uukke ruan pul᷊o su tonnane ire'e apan botongnge maola'a tantara, ṛinone iwoṛṛetta.”

³I Musa wuṛṛu i Eleazar tinumuṛṛutta parenta udde. Itarua namaggo anambon taumata esakka apan uukke ruan pul᷊o su tonnane ire'e wuṛṛu nangammuli mangitou su ratakku Moab, su samba'a Sal᷊ukku Yordan, maranin Soa Yerikho. Indiwe manga taumatan Israel sinumabbangnga wuassu Mesir:

⁴

⁵Wuassu ṛuanganni Ruben, ana'i Yakub pahul᷊une: amonanni Henokh, i Palu,

⁶i Hezron wuṛṛu i Karmi.

⁷Esakka sulal᷊ummu ṛuanganna udde sarangkanambone 43.730 su atoune.

⁸Ana'i Palu eteudde i Eliab,

⁹wuṛṛu manga ana'i Eliab eteudde i Nemuel, i Datan wuṛṛu i Abiram. I Datan wuṛṛu i Abiram udde buatte nipilen balaga, arawe itarua naammulu manga mallal᷊aṛṛenggeni Korah lumawangnga si Musa wuṛṛu si Harun wuṛṛu lumawangnga MAWU.

¹⁰Ana see leta'a nawa'a wuṛṛu nangalluppa si mangitou na'oman sara itarua nate suadio'a ringanni Korah wuṛṛu mallal᷊aṛṛenggene su tempo putungnga namate 250 su atoune esakka. Hatto udde maola'a pananaunganna su walahannu Israel.

¹¹Arawe manga ana'i Korah tawe niapate ringanna.

¹²Wuassu ṛuanganni Simeon; amonanni Nemuel, i Yamin, i Yakhin,

¹³i Zerah wuṛṛu i Saul.

¹⁴Esakka wuassu ṛuanganna udde sarangkanambone 22.200 su atoune.

¹⁵Wuassu ṛuanganni Gad; amonanni Zefon, i Hagi, i Syuni,

¹⁶i Ozni, i Eri,

¹⁷i Arod wuṛṛu i Areli.

¹⁸Esakka sulal᷊ummu ṛuanganna udde sarangkanambone 40.500 su atoune.

¹⁹Wuassu ṛuanganni Yehuda; amonanni Syela, i Peres, i Zerah, i Hezron wuṛṛu i Hamul. Ruan katou ana'i Yehuda, eteudde i Er wuṛṛu i Onan, natete su leta'u Kanaan.

²⁰

²¹

²²Esakka sulal᷊ummu ṛuanganna udde sarangkanambone 76.500 su atoune.

²³Wuassu ṛuanganni Isakhar; Amonanni Tola, i Pua,

²⁴i Yasub wuṛṛu i Simron.

²⁵Esakka sulal᷊ummu ṛuanganna udde sarangkanambone 64.300 su atoune.

²⁶Wuassu ṛuanganni Zebulon: amonanni Sered, Elon wuṛṛu Yahleel.

²⁷Esakka sulal᷊ummu ṛuanganna udde sarangkanambone 60.500 su atoune.

²⁸Wuassu papapulunni Yusuf, apan pia ruan katou ana'a esakka: amonanni Manasye wuṛṛu i Efraim.

²⁹Wuassu ṛuanganni Manasye; i Makhir, ana'i Manasye, eteudde iamangngi Gilead; wuṛṛu manga amonanna manansunna indi eteudde papapulunni Gilead;

³⁰Amonanni Iezer, i Helek,

³¹i Asriel, i Sekhem,

³²i Semida wuṛṛu i Hefer.

³³I Zelafehad ana'i Hefer tawe naasomba ana'a esakka, tumba'u ana'a wawine. Aranni mangitou eteudde i Mahla, i Noa, i Hogla, i Milka wuṛṛu i Tirza.

³⁴Esakka sulal᷊ummu ṛuanganna udde sarangkanambone 52.700 su atoune.

³⁵Wuassu ṛuanganni Efraim: Amonanni Sutelah, Bekher wuṛṛu Tahan.

³⁶Amonanni Eran eteudde papapulunni Sutelah.

³⁷Esakka sulal᷊ummu ṛuanganna udde sarangkanambone 32.500 su atoune. Eteudde manga ṛuanganna papapulunni Yusuf.

³⁸Wuassu ṛuanganni Benyamin; Amonanni Bela, i Asybel, i Ahiram,

³⁹i Sefufam wuṛṛu i Hufam.

⁴⁰Amonanni Ared wuṛṛu i Naaman eteudde papapulunni Bela.

⁴¹Esakka sulal᷊ummu ṛuanganna udde sarangkanambone 45.600 su atoune.

⁴²Wuassu ṛuanganni Dan: Amonanni Suham.

⁴³Esakka sulal᷊ummu ṛuanganna udde sarangkanambone 64.400 su atoune.

⁴⁴Wuassu ṛuanganni Asyer: Amonanni Yimna, i Yiswi wuṛṛu i Beria.

⁴⁵Amonanni Heber wuṛṛu i Malkiel eteudde papapulunni Beria.

⁴⁶I Asyer pia sangkatou ana'a wawine aranne i Serah.

⁴⁷Esakka sulal᷊ummu ṛuanganna udde sarangkanambone 53.400 su atoune.

⁴⁸Wuassu ṛuanganni Naftali: Amonanni Yahzeel, i Guni,

⁴⁹i Yezer wuṛṛu i Syilem.

⁵⁰Esakka sulal᷊ummu ṛuanganna udde sarangkanambone 45.400 su atoune.

⁵¹Esakku Israel sarangkanambone 601.730 su atoune.

⁵²MAWU nabbisara si Musa,

⁵³“Tahiate leta'a udde su manga ṛuanganna sulal᷊ummu walahannu Israel tumuṛṛuttu ahewallu ṛuangannu sambau-sambau.

⁵⁴Ola'e udde ringannu olangnge manawutta undi. Su ṛuanganna apan wahewalla ṛinone i'o mangonggolu wageangnge ahewal᷊anne, wuṛṛu su ṛuanganni maradio'a, wageangnge addio'a lai.”

⁵⁵

⁵⁶

⁵⁷Ruanganni Lewi pina'ammul᷊annu amonanni Gerson, i Kehat wuṛṛu i Merari.

⁵⁸Sulal᷊ummu papapulunni mangitou nasutta amonanni Libni, i Hebron, i Mahli, i Musi wuṛṛu i Korah. I Kehat eteudde iamangngi Amram.

⁵⁹I Amram na'awingngi Yokhebed, ana'i Lewi. I Yokhebed udde niasungkangnga su Mesir. I Amram wuṛṛu i Yokhebed pia darua ana'a esakka; i Harun wuṛṛu i Musa, wuṛṛu sangkatou ana'a wawine, i Miryam.

⁶⁰I Harun pia siri appata ana'a esakka: i Nadab, i Abihu, i Eleazar wuṛṛu i Itamar.

⁶¹I Nadab wuṛṛu i Abihu nate su tempo itarua nangonggolu sasamba putungnga apan tawe ipaapulun Duata.

⁶²Esakka wuassu ṛuanganni Lewi apan uukke sambul᷊anna ire'e sarangakanambone 23.000 su atoune. I mangitou niwoṛṛetta ual᷊aṛṛae wuassu manga taumata sambalahanne, ana waugu i mangitou tawe naasomba leta'a pussa'a su Israel.

⁶³Eteudde reenganna apan niola'i Musa wuṛṛu Imam Eleazar su ola'u manga ṛuangannu Israel su tempo i mangitou na'ola'a pandareengnga su ratakku Moab su samba'an Sal᷊ukku Yordan maranin soan Yerikho.

⁶⁴Wuassu manga taumata apan paarorone niwoṛṛetti Musa wuṛṛu i Harun su wadda'u Sinai, tawe saran sangkatou apan ta'e wiakka.

⁶⁵MAWU buatte nabbal᷊o manungku i mangitou sarangkanambone sarun mate su wadda'a. Wuṛṛu atonna i mangitou sarangkanambone nate, tumba'u i Kaleb ana'i Yefune wuṛṛu i Yosua ana'i Nun.