Read Talaud ZAKARIA 13 Bible Online

ZAKARIA 13 - Talaud bible

ZAKARIA 13

¹MAWU Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

²Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

³Wuṛṛu amungkangngu ta'e pia taumata apan mabbisara manungku i tou mammasingkattu tanata, iamangnge inangnge sassane sarun mabbal᷊o si tou manungku i tou ṛinone iṛṛuumanna pateanna, ana waugu apan niwisarane uddewe awusu. Amungkangngu i tou sidutu mangnga'u watanganne sangkatou nabi lai, i tou sarun usu'annu iamangnge inangngene sassane ma'oman sara nate.

⁴Su allo udde, manga nabi sarun maapendamma asasili ma'ola'a manaran sangkatou nabi. I mangitou tate malluṛṛen laubbu nabi ipamahia wuṛṛu ipamarabungan manga sondamme.

⁵Arawe mawal᷊i'a, i mangitou sarun mabbisara, ‘I ya'u wal᷊ine nabi. I ya'u tumba'u sangkatou mabbawailla apan mammanara su al᷊o'engngu pabbiaṛṛangku.’

⁶Wuṛṛu amungkangu pia taumata maiwal᷊o si tou, ‘Lessan napa apan su sabbangngu udde?’, i tou sarun sumimbakka, ‘lau nalessa su wal᷊en hawe'u.’ ”

⁷MAWU Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

⁸wuṛṛu su ahewallu wanua darua per tatallu wuassu tumanangnge sarun mate.

⁹Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u MAWU Ruata mangitou.”