Read Talaud ZAKARIA 4 Bible Online

ZAKARIA 4 - Talaud bible

ZAKARIA 4

¹Mala'ekatta apan nabbisara si ya'u udde nirumanta apia wuṛṛu namu'o si ya'u ere namu'o taumata mattiilla.

²“Apa apan niasiloannu?” aiwal᷊one. “Sambau leddan sol᷊o wuassu wul᷊awanna,” sasimba'u. “Su pentakke al᷊iu rosone pia tampan lanane, wuṛṛu uapal᷊iwutta pia pitu sol᷊o, apan sambau-sambau uatahuanna pitu tampan nanal᷊i ara'e sumbune.

³Su samba'a aiṛṛi wuṛṛu aikkatannu leddan sol᷊o udde pia duang kalu punnu zaitun.”

⁴Wua'udde i ya'u niawal᷊o su mala'ekatta udde, “Apa apan ipappandummu waneṛṛa manga saranapa udde, Tuangnga?”

⁵“I'o wagga?” aiwal᷊one si ya'u. “Wagga Tuangnga,” sasimba'u.

¹⁰Mala'ekatta udde nabbisara si ya'u, “Sol᷊o pitu eteudde pitu mata MAWU apan apan uataṛṛapa ahewallu runia.”

¹¹Wua'udde i ya'u naiwal᷊o apia si tou, “Apa atappasanne darua punnu alu zaitun su aikkatanna wuṛṛu su aiṛṛin leddan sol᷊o udde?

¹²Apa lai atappasannu darua rannan zaitun su sandiṛṛanu darua sal᷊ossoge ara'e pipa wul᷊awannu apan mapa'elekku lanan zaitun udde?”

¹³Sasimbakke si ya'u, “I'o wagga?” “Wagga Tuangnga,” sasimba'u.

¹⁴Ne i tou sinumimbakka, “Udde eteudde darua taumata apan buatte nipilen MAWU ul᷊ilin pati'uppa wuṛṛu nipile tadea'u mangimbe si Tou.” Paairen MAWU si Zerubabel Mala'ekatta udde nandalo'u mamasingkatta si Zerubabel tanata MAWU indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U. Alanganna ere ahewallu wowone lai sarun mairu wuassu saruannu. I'o sarun mabbangunna apia Wal᷊e-U, wuṛṛu sutempo i'o mangaddon batu paarorone su tempane, manga taumata sarun mabbisara ‘Aṛṛamagawe eteapa! ’ ” Ana see nirumantate lai tanata apan baine wuassu MAWU. Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou. Piaddu mangngal᷊uandaga ariaddianna indi. Arawe i mangitou sarun maasilo si Zerubabel manassukku manara pandararisikku Wal᷊e-U, wuṛṛu i mangitou sarun(...)