Read Talaud TAHIUL᷊E 24 Bible Online

TAHIUL᷊E 24 - Talaud bible

TAHIUL᷊E 24

¹“Unnu wisara pia sangkatou esakka na'awingngu sangkatou maṛṛuala, wuṛṛu wua'udde i tou maddirite ana waugu i tou maasomba sambau apan ma'asili si tou. Ana see esakka udde nangonggolu surattu sindo si tou wuṛṛu nallimbuakka si tou wuassu wal᷊ene.

²Wua'udde wawine udde na'awingngu esakka waine.

³Arawe napawe manga pirate tempo esakka udde maddiriten tou wuṛṛu nallimbuakka si tou. Ara'e lai asinungka awingnge aruane udde nate.

⁴Sulal᷊ummu hatto darua udde, awingnge paarorone tate wotongnge maawingngu wawine udde lai; ṛinone i tou ma'ellega ere sangkatou wawine apan buatte nilal᷊eo. Amungkangngu ma'awingngi tou apia, pallal᷊agu udde maola'a sambau aal᷊uandaga su saruannu MAWU Ruatanu. I yamiu imbaṛṛangnga ma'ola'a rosa alal᷊eone ere udde su wanua apan nionggolu MAWU si yamiu.”

⁵“Sangkatou esakka apan wakkute na'awingnga, tawe wotongnge irolokka sumutta tantara wuṛṛu inai mapapangalo ara'e mammanara manaran awadaalla. I tou ṛinone iapaillol᷊o santona al᷊annune iapaatokku amonanne wuṛṛu malluassa naungngu awingnge.

⁶Amungkangngu i yamiu mapawallassu sambau saranapa su taumata waine, imbaṛṛangnga manganu maola'a wataṛṛune watu apan ipappaatu taumata udde ipanggilingu gandumma. Ringannu manganu watu udde, i yamiu nangaṛṛo saranapa apan ipappaatu amonanne ipabbiakki mangitou.

⁷Taumata apan nanametta taumata sambalahanne ana see i tou niola'a allangnga ara'e niwal᷊u'a, ṛinone i tou iṛṛuumanna pateanna. Ringanni aroddi yamiu mangnginsue al᷊al᷊eo.

⁸Amungkangngu niasombanganna pia radda'a su pisi apan ma'ata'utta, paatutuṛṛe ringannu mapia apa apan nirolokku manga imam Lewi si yamiu; daringiṛṛe manga tatantiro apan ta'u nionggola si mangitou.

⁹Naungete inolaannu MAWU Ruatanu si Miryam sulal᷊ummu amatanne sinumabbangnga wuassu Mesir.

¹⁰Amungkangngu i yamiu mapawallasu sambau saranapa su tuṛṛangngu, imbaṛṛangnga sumutta sulal᷊ummu wal᷊ene manganu laungnge maola'a wataṛṛune.

¹¹Raddoite su liudde, wuṛṛu wala'e i tou sassane mangapidda ringannu.

¹²Amungkangngu taumata udde asiangnga, laubba udde imbaṛṛangnga wa'ungannu suapan maṛṛabbi,

¹³arawe ṛinone iapawelengnga si tou napawe maṛṛabite, tadea'u iluṛṛen tou matiilla. Ne i tou sarun ma'adiangkamanna wuṛṛu MAWU Ruatanu sarun umakkannu.

¹⁴Imbaṛṛangnga mangapande taumatan sewa asiangnga wuṛṛu tawe dapane, mawae sambalahannu, ara'e taumata raho apan uatana'a su sambau soanu sambau.

¹⁵Miallo-miallo tantal᷊anna matannallo taambe nattuppa i yamiu ṛinone mamaekka lal᷊antakke apan pinammanarane su allo udde; i tou uaantimma roitta udde ana waugu i tou mappandumma. Amungkangngu i yamiu tawe mamaekka lal᷊antakke, i tou sarun sumal᷊ande MAWU maiontolla ana waugu inolaanni yamiu, wuṛṛu i yamiu aranne taumata marosa.

¹⁶Imbaṛṛangnga taumata timmadete iṛṛuumanna pateanna, ana waugu al᷊al᷊eo apan niola'u anangnge, wuṛṛu imbaṛṛangnga ana'a iṛṛuumanna ana waugu al᷊al᷊eon hagurangnge. Suapan taumata wotongnge iṛṛuumanna pateanna ana waugu al᷊al᷊eo apan niolangnge sassane.

¹⁷Imbaṛṛangnga mangaṛṛo saranapa tatahuanannu taumata raho wuṛṛu ana'a asisitimpal᷊ussa, wuṛṛu imbaṛṛangnga manganu laubbu taumata inawal᷊uanna maola'a wataṛṛu.

¹⁸Paanaunge manungku i yamiu buatte naola'a allangnga lai su Mesir wuṛṛu nipallossu MAWU Ruatanu; ana waugu udde i ya'u nangonggolu atoranna indi si yamiu.

¹⁹Amungkangngu i yamiu mangammulu hessin letangngu, imbaṛṛangnga mabelengnga mangal᷊appa gandumma lambene apan natantangnga. Gandumma udde ṛinone iwala aroddi su taumata raho, ana'a asisintimpal᷊ussa wuṛṛu manga inawal᷊uanna, tadea'u i yamiu al᷊amatannu MAWU Ruatanu sulal᷊ummu al᷊awo'u manaranu.

²⁰Napawe i yamiu paassate nani'o wuan Zaitun wuṛṛu anggore, imbaṛṛangnga mabelengnga mangammulu wuane apan natantangnga. Udde ṛinone itantangngi yamiu su taumata raho, ana'a asisintimpal᷊ussa wuṛṛu manga inawal᷊uanna.

²²Paanaunge manungku i yamiu buatte naola'a allangnga su Mesir; ana waugu udde i ya'u nangonggolu atoranna indi si yamiu.