Read Talaud TAHIUL᷊E 9 Bible Online

TAHIUL᷊E 9 - Talaud bible

TAHIUL᷊E 9

¹“Paddaringikkawe manga tuṛṛangnga! Allo indi yamiu lumewesse Sal᷊ukku Yordan inai matana'a su wageangngu leta'u walahanna apan magewal᷊anna wuṛṛu mattohasanna wuassi yamiu. Manga soan mangitou wahahewalla ringannu manga darandunge matanggakka sara langitta.

²Manga taumatane wahahewalla wuṛṛu matohassa wa'ikke; i mangitou udde wawalla, wuṛṛu i yamiu buatte naaringikka manungku tawe saran sangkatou apan maaroappa si mangitou.

³Arawe orassa indi yamiu sarun maasilo sassane ereapa MAWU Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren MAWU.

⁴Napawe MAWU Ruatanu buatte nallimbuakka si mangitou hunan kamiu, arie massunna manungku i yamiu niapiddi Tou inaiaroddi iapatahuanna leta'a udde ana waugu i yamiu tuttuṛṛutta apulun MAWU Ruatanu na'oman sara i yamiu suṛṛinone manengkamma leta'a. Mangke tawe! MAWU nallimbuakka manga walahanna udde hunan kamiu ana waugu i mangitou lal᷊eo. MAWU namalan kamiu manahuanna leta'i mangitou, ana waugu i Tou ma'apulu manipussu pa'aire-Ne su iupungngu al᷊amonanu i Abraham, i Ishak wuṛṛu i Yakub.

⁶Pangimante manungku MAWU Ruatanu tawe manantillu leta'a masuwukka udde si yamiu ana waugu i yamiu su lal᷊anne manengkamma leta'a udde. Tawe! I yamiu indi walahanna tawe maddaringikka.

⁷Paanaungete ereapa i yamiu na'ola'a MAWU Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are MAWU.

⁸Ewe'e lai su Wowon Sinai i yamiu na'ola'a MAWU nasa'u atonna.

⁹I ya'u sinuma'a wowone tadea'u manengkamma watun pa'aire apan niola'u MAWU si yamiu. Appatu pul᷊o su allone wuṛṛu appatu pul᷊o su ṛabbine al᷊annune i ya'u uatana'a su puiddu wowone udde ringannu tawe umanna ara'e ma'inumma.

¹⁰Wua'udde MAWU nangonggola si ya'u darua watu apan buatte niwoṛṛetannu MAWU Ruata sassane. Su watu udde uawoṛṛetta manga wisara apan niwisara-Ne wuassu pattangngannu putungnga si yamiu, su tempo i yamiu uaammula su wawal᷊annu wowone.

¹¹Ore, napawe nal᷊iute appatu pul᷊o su allone wuṛṛu aapatu pul᷊o su ṛabbine, MAWU nangonggolu darua watu pa'aire udde si ya'u.

¹²Ana see MAWU nabbisara si ya'u, ‘Sossoke paal᷊ihakka, ana walahannu apan Ta'u niapidda sinumabbangnga wuassu Mesir buatte na'ola'a al᷊al᷊eo. I mangitou buatte nanewadda wuassu manga parenta-U, wuṛṛu na'ola'a paal᷊uanna subbanni mangitou.’

¹³MAWU lai nabbisara si ya'u, ‘I Ya'u masingkata walahanna udde tumaniten maatikka puane.

¹⁴Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’

¹⁵Ana see i ya'u nanaile, wuṛṛu nangapiddu darua watu pa'aire ringannu lima'u ruan ba'an, i ya'u sinumossokka wuassu wowone apan tantal᷊anna lukkenggamma.

¹⁶I ya'u naasilo manungku i yamiu buatte nilumawangnga parentan MAWU Ruatanu. I yamiu buatte na'ola'a rosa su saruannu MAWU ana waugu i yamiu na'ola'a sambau paal᷊uanna sapi wuassu logamma.

¹⁷Ne su saruannu matanu darua watun pa'aire udde ta'u niema'a ma'oman sara maṛṛimunsa'a.

¹⁸Ana see paassa lai ya'u niumal᷊intudda su saruannu MAWU su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu MAWU ringannu na'ola'a al᷊al᷊eo, na'omana sara i Tou nasa'u.

¹⁹I ya'u matta'uttu asasa'un MAWU rudde'omma su saruanni yamiu na'oman sara i yamiu pateannu MAWU, arawe paassa indi lai MAWU naddaringikka si ya'u.

²⁰MAWU lai mangke nasa'u atonna si Harun na'oman sara i Tou lai pateante, ne i ya'u niumal᷊iomanni tou lai.

²¹Paal᷊uanna sapi logamma niolangngu, ta'u iwareta sulal᷊ummu putungnga. Ana see ta'u ṛimunsa'a wuṛṛu niwalu ma'oman sara al᷊ussa naal᷊ihidda awu, wuṛṛu awu udde ta'u niwareta sulal᷊ummu ana'u sal᷊ukka apan mangngelekka wuassu wowone udde.

²²See lai su Tabera, Masa wuṛṛu Kibrot-Taawa, i yamiu naasa'u lai MAWU.

²³Ana see su tempo i yamiu nirolokku MAWU nanantangngu Kades-Barnea inai umamatta wuṛṛu mamanua su leta'a apan sarun ionggoli Tou si yamiu, i yamiu nilumawangnga parenta MAWU Ruatanu; i yamiu maddiri mangimanna ara'e tumuṛṛutta si Tou.

²⁴Ro'en i ya'u masingkatti yamiu, i yamiu sidutu lullawangnga MAWU.

²⁵I ya'u masingkatta MAWU pia pandumma mamate si yamiu. Ne su al᷊annune appatu pul᷊o su allone wuṛṛu appatu pul᷊o su ṛabbine i ya'u niumal᷊intudda su saruannu MAWU

²⁶wuṛṛu niumal᷊iomanna arendi: Oh MAWU Apan Atanggaṛṛanne, ariewe mamate walahanna nipile-Ne indi, walahanna nipallossa wuṛṛu niehetta sinumabbanganga wuassu Mesir ringannu atatohassa wuṛṛu taṛṛino apan bahewalla.

²⁷Naungetewe manga allang-Ngu Abraham, i Ishak wuṛṛu i Yakub, wuṛṛu ariete pabbala'a su aattiku puane, al᷊al᷊eo wuṛṛu rosan balahanna indi.

²⁸Amungkangngu al᷊aranang-Ngu lai patteanna, ne taumatan Mesir sarun mabbisara manungku I'o tawe mapangapiddu walahan-Na watukku wanua apan nipa'ire-Nu si mangitou, wuṛṛu manungku I'o nangapiddi mangitou su wadda'a tadea'u mamate si mangitou, ana waugu I'o maddantinni mangitou.

²⁹Arawe paanaungete, MAWU, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”