Read Talaud 1 KORINTUS 5 Bible Online

1 KORINTUS 5 - Talaud bible

1 KORINTUS 5

¹I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!

²Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

³Ere su wadangnga, i ya'u marau wuassi yamiu, arawe sulal᷊ummu naungnga i ya'u uatana'a su wallatti yamiu. Nariaddi ya'u ma'ola'a udde ere lai ya'u su wallatti yamiu, “Sulal᷊ummu arannu Mawu Yesus Kristus, i ya'u mabbal᷊o manungku taumata apan suete na'ola'a inolaanna apan lal᷊eo udde, ṛinone iṛṛuumanna!” Amungkangngu i yamiu maammula olaawe ere i ya'u lai suadio'a ringanni yamiu, wuṛṛu ringannu taṛṛino Mawun kite Yesus,

⁵i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

⁶Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

⁷Rammea'a asuene ragi tabbe udde, eteudde ragin paddarosa, tadea'u i yamiu maola'a ere ompengu taponna apan wakku, waresi wuassu ragin paddarosa apan tabbe, wuṛṛu i ya'u masingkata manungku i yamiu atonna aroddi. Ana waugu, ramean Paskahn kite nasaddiate, ana waugu Kristus apan naola'a ere domban Paskahn kite suete niola'a sasamba.

⁸Nariaddi, wette i ite mapaawantugu andeangngi ite udde ringannu roti apan tawe ragine, eteudde roti apan naola'a sasumandingngu awawaresi, wuṛṛu al᷊awo'u apulun Duata. Arie i ite mallaghu andeangngu Paskah udde ringannu roti apan pia ragine tabbe, eteudde ragin paddarosa wuṛṛu al᷊al᷊eo.

⁹Sulal᷊ummu sura'u apan nal᷊iu, i ya'u namasingkatta si yamiu tadea'u i yamiu tawe maggawen taumata masandaga.

¹⁰Pandumangku wal᷊inewe taumata masandaga ara'e wal᷊iu, ara'e taṛṛa wahia ara'e masasubba paal᷊uanna apan tawe maaillal᷊a Ruata. Wal᷊ine! Pandumangku tawe i mangitou; ana waugu amungkangngu i yamiu mangindau mangitou, ne ṛinone i yamiu sumabangnga atonna-tonna wuassu runia indi.

¹¹Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

¹²Atonna mammarikissa manga taumata wal᷊ine Saṛṛani, wal᷊inewe manara'u. Ruata sassane apan mamarikissa si mangitou. Arawe su ola'u manga lal᷊oṛṛon jamaannu, wal᷊inewe i yamiu sassane apan ṛinone mamarikissa si mangitou? Sulal᷊ummu Wuke Susi uawoṛṛetta, “Limbuaṛṛewe taumata lal᷊eo wuassu wallatti yamiu.”