Read Talaud EFESUS 5 Bible Online

EFESUS 5 - Talaud bible

EFESUS 5

¹Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

²Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

³Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

⁴Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.

⁵Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

⁶Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

⁷Nariaddi, imbaṛṛanga maggahawe manga taumata ereudde.

⁸I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

⁹Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

¹⁰Paddea'awe maaillal᷊a apa apan maal᷊uassa naungngu Mawu.

¹¹Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

¹²Ana waugu inolaanni mangitou a'olaanna ringannu ma'immbuni udde ipagahatto lai maasilite.)

¹³Al᷊awo'u inolaanna apan tataṛṛanganna sulal᷊ummu asasemakka, sarun asiloanna ringannu matilangnga.

¹⁴Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

¹⁵Ana waugu udde, panutukka paapia-pia ereapa i'o mabbiakka. Arie mabbiakka ere taumata woddo; pabbiakke ere taumata pande.

¹⁶Paahuna'a mapia-pia tempo apan tatahuanannu, ana waugu tempo indi tempo apan lal᷊eo.

¹⁷Arie awodoanna, ewe'e panaṛṛasidde apa apan ipaapulu Mawu.

¹⁸Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

¹⁹Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

²⁰Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

²¹Tadea'u ipangadatta si Kristus, ṛinone i yamiu uatatal᷊antupa sangkatou ringannu waine.

²²Wawine, padaringikka awingnge esakka ere lai maddaringikka Mawu.

²³Ana waugu esakka maola'a piaṛṛa'u awingnge wawine, ere lai Kristus naola'a tembonannu jamaatta wuṛṛu i Tou sassane lai Ratum Punnu Sal᷊amattu jamaatta apan naola'a wadang-Nge.

²⁴Ere lai jamaatta tuttuṛṛuta si Kristus, aroddi lai su al᷊awo'u inolaanna, wawine ṛinone tumuṛṛutta awingnge esakka.

²⁵Esakka, paarangngue awingngu wawine, ere lai Kristus marangngu jamaatta wuṛṛu nate su alu arussa ana waugu jamaatta udde.

²⁶Kristus na'ola'a ereudde tadea'u i Tou wotongnge mamaresi jamaatta udde ringannu al᷊aṛṛang-Nge wuṛṛu ringannu ua'en sasaṛṛani, tadea'u wua'udde i Tou wotongnge manantilla su Ruata.

²⁷Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

²⁸Aroddi lai esakka ṛinone mandangngu awingnge wawine ere lai i tou mandangngu wadangnge sassane. Taumata apan mandangngu awingnge atappasanne ere lai tou mandangngu wadangnge sassane. (

²⁹Taambe nariaddi pia taumata maddantinnu wadangnge sassane. Arawe, i tou mammadul᷊i wuṛṛu mandiaga ere lai Kristus mammadul᷊i jamaan-Ne.

³⁰I ite masingkattu udde, ana waugu i ite wageangngu wadangi Kristus.)

³¹Sulal᷊ummu Wuke Susi uawoṛṛetta, “Ana waugu udde sangkatou esakka sarun manantangngu hagurangnge maola'a sambau ringannu awingnge wuṛṛu itarua sarun maola'a sambau.”

³²Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

³³Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.