Read Talaud 1 TIMOTIUS 2 Bible Online

1 TIMOTIUS 2 - Talaud bible

1 TIMOTIUS 2

¹Paarorone, i ya'u sumal᷊ande tadea'u sasal᷊ande, aal᷊iomanna, wuṛṛu aal᷊iomannu awadaalla, see adiangkamanna iwal᷊o su Ruata hunan anambon taumata;

²hunan manga ratu wuṛṛu hunan anambon taumata apan uataṛṛino. Padorongke tadea'u i ite wotongnge mabbiakka ringannu matammuda wuṛṛu paddarame su Ruata ringanni pallal᷊agu apan mapia.

³Eteudde apianne wuṛṛu maal᷊uassa naungngu Ruata, Punnu Sal᷊amatti ite.

⁴I Tou maapulu tadea'u anambon taumata maasomba asasal᷊amatta wuṛṛu masingkatu apapia.

⁵Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

⁶I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

⁷Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

⁸I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

⁹Ṛinone papunna wawine mallogakka watanganne ringannu tawe ete pia lembone wuṛṛu mappedetu pedeta pia atoranne. Arie mappaattu uta'a atokke maasili ara'e manga lal᷊ogakka wul᷊awanna ara'e mutiara, ara'e laubba aregane massagada.

¹⁰Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.

¹¹Wawine ṛinone mangngurumma ringannu mal᷊annaba wuṛṛu matuṛṛuta.

¹²I ya'u mapaasal᷊a amungkangu wawine mangngaṛṛa'a ara'e mamarenta esakka; i mangitou ṛinone mal᷊annaba.

¹³Ana waugu paarorone nariaddi eteudde Adam wua'udde Hawa.

¹⁴Wuṛṛu wal᷊ine Adam, ewe'e ete wawine apan niawono'anna, na'oman sara nilumawangnga parentan Duata.

¹⁵Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.