Read כֶּתֶר אֲרָם צוֹבָא - Tanah Aleppo Codex בראשית 36 Bible Online

בראשית 36 - כֶּתֶר אֲרָם צוֹבָא - Tanah Aleppo Codex bible

בראשית 36

¹א ואלה תלדות עשו הוא אדום

²ב עשו לקח את נשיו מבנות כנען את עדה בת אילון החתי ואת אהליבמה בת ענה בת צבעון החוי

³ג ואת בשמת בת ישמעאל אחות נביות

⁴ד ותלד עדה לעשו את אליפז ובשמת ילדה את רעואל

⁵ה ואהליבמה ילדה את יעיש (יעוש) ואת יעלם ואת קרח אלה בני עשו אשר ילדו לו בארץ כנען

⁶ו ויקח עשו את נשיו ואת בניו ואת בנתיו ואת כל נפשות ביתו ואת מקנהו ואת כל בהמתו ואת כל קנינו אשר רכש בארץ כנען וילך אל ארץ מפני יעקב אחיו

⁷ז כי היה רכושם רב משבת יחדו ולא יכלה ארץ מגוריהם לשאת אתם--מפני מקניהם

⁸ח וישב עשו בהר שעיר עשו הוא אדום

⁹ט ואלה תלדות עשו אבי אדום בהר שעיר

¹⁰י אלה שמות בני עשו אליפז בן עדה אשת עשו רעואל בן בשמת אשת עשו

¹¹יא ויהיו בני אליפז--תימן אומר צפו וגעתם וקנז

¹²יב ותמנע היתה פילגש לאליפז בן עשו ותלד לאליפז את עמלק אלה בני עדה אשת עשו

¹³יג ואלה בני רעואל נחת וזרח שמה ומזה אלה היו בני בשמת אשת עשו

¹⁴יד ואלה היו בני אהליבמה בת ענה בת צבעון--אשת עשו ותלד לעשו את יעיש (יעוש) ואת יעלם ואת קרח

¹⁵טו אלה אלופי בני עשו בני אליפז בכור עשו--אלוף תימן אלוף אומר אלוף צפו אלוף קנז

¹⁶טז אלוף קרח אלוף געתם אלוף עמלק אלה אלופי אליפז בארץ אדום אלה בני עדה

¹⁷יז ואלה בני רעואל בן עשו--אלוף נחת אלוף זרח אלוף שמה אלוף מזה אלה אלופי רעואל בארץ אדום--אלה בני בשמת אשת עשו

¹⁸יח ואלה בני אהליבמה אשת עשו--אלוף יעוש אלוף יעלם אלוף קרח אלה אלופי אהליבמה בת ענה--אשת עשו

¹⁹יט אלה בני עשו ואלה אלופיהם הוא אדום {ס}

²⁰כ אלה בני שעיר החרי ישבי הארץ לוטן ושובל וצבעון וענה

²¹כא ודשון ואצר ודישן אלה אלופי החרי בני שעיר בארץ אדום

²²כב ויהיו בני לוטן חרי והימם ואחות לוטן תמנע

²³כג ואלה בני שובל עלון ומנחת ועיבל שפו ואונם

²⁴כד ואלה בני צבעון ואיה וענה הוא ענה אשר מצא את הימם במדבר ברעתו את החמרים לצבעון אביו

²⁵כה ואלה בני ענה דשן ואהליבמה בת ענה

²⁶כו ואלה בני דישן--חמדן ואשבן ויתרן וכרן

²⁷כז אלה בני אצר--בלהן וזעון ועקן

²⁸כח אלה בני דישן עוץ וארן

²⁹כט אלה אלופי החרי אלוף לוטן אלוף שובל אלוף צבעון אלוף ענה

³⁰ל אלוף דשן אלוף אצר אלוף דישן אלה אלופי החרי לאלפיהם בארץ שעיר {פ}

³¹לא ואלה המלכים אשר מלכו בארץ אדום--לפני מלך מלך לבני ישראל

³²לב וימלך באדום בלע בן בעור ושם עירו דנהבה

³³לג וימת בלע וימלך תחתיו יובב בן זרח מבצרה

³⁴לד וימת יובב וימלך תחתיו חשם מארץ התימני

³⁵לה וימת חשם וימלך תחתיו הדד בן בדד המכה את מדין בשדה מואב ושם עירו עוית

³⁶לו וימת הדד וימלך תחתיו שמלה ממשרקה

³⁷לז וימת שמלה וימלך תחתיו שאול מרחבות הנהר

³⁸לח וימת שאול וימלך תחתיו בעל חנן בן עכבור

³⁹לט וימת בעל חנן בן עכבור וימלך תחתיו הדר ושם עירו פעו ושם אשתו מהיטבאל בת מטרד בת מי זהב

⁴⁰מ ואלה שמות אלופי עשו למשפחתם למקמתם בשמתם אלוף תמנע אלוף עלוה אלוף יתת

⁴¹מא אלוף אהליבמה אלוף אלה אלוף פינן

⁴²מב אלוף קנז אלוף תימן אלוף מבצר

⁴³מג אלוף מגדיאל אלוף עירם אלה אלופי אדום למשבתם בארץ אחזתם--הוא עשו אבי אדום {פ}