Read כֶּתֶר אֲרָם צוֹבָא - Tanah Aleppo Codex דברי הימים א 26 Bible Online

דברי הימים א 26 - כֶּתֶר אֲרָם צוֹבָא - Tanah Aleppo Codex bible

דברי הימים א 26

¹א למחלקות לשערים--לקרחים משלמיהו בן קרא מן בני אסף

²ב ולמשלמיהו בנים--זכריהו הבכור ידיעאל השני זבדיהו השלישי יתניאל הרביעי

³ג עילם החמישי יהוחנן הששי אליהועיני השביעי

⁴ד ולעבד אדם בנים--שמעיה הבכור יהוזבד השני יואח השלשי ושכר הרביעי ונתנאל החמישי

⁵ה עמיאל הששי יששכר השביעי פעלתי השמיני כי ברכו אלהים {ס}

⁶ו ולשמעיה בנו נולד בנים הממשלים לבית אביהם כי גבורי חיל המה

⁷ז בני שמעיה עתני ורפאל ועובד אלזבד אחיו--בני חיל אליהו וסמכיהו

⁸ח כל אלה מבני עבד אדם המה ובניהם ואחיהם איש חיל בכח לעבדה--ששים ושנים לעבד אדם

⁹ט ולמשלמיהו בנים ואחים בני חיל--שמונה עשר {ס}

¹⁰י ולחסה מן בני מררי בנים--שמרי הראש כי לא היה בכור וישימהו אביהו לראש

¹¹יא חלקיהו השני טבליהו השלשי זכריהו הרבעי כל בנים ואחים לחסה שלשה עשר

¹²יב לאלה מחלקות השערים לראשי הגברים משמרות--לעמת אחיהם לשרת בבית יהוה

¹³יג ויפילו גורלות כקטן כגדול לבית אבותם--לשער ושער {פ}

¹⁴יד ויפל הגורל מזרחה לשלמיהו וזכריהו בנו יועץ בשכל הפילו גורלות ויצא גורלו צפונה

¹⁵טו לעבד אדם נגבה ולבניו בית האספים

¹⁶טז לשפים ולחסה למערב עם שער שלכת במסלה העולה משמר לעמת משמר {ס}

¹⁷יז למזרח הלוים ששה לצפונה ליום ארבעה לנגבה ליום ארבעה {ס} ולאספים שנים שנים

¹⁸יח לפרבר למערב--ארבעה למסלה שנים לפרבר

¹⁹יט אלה מחלקות השערים לבני הקרחי ולבני מררי

²⁰כ והלוים--אחיה על אוצרות בית האלהים ולאצרות הקדשים {ס}

²¹כא בני לעדן בני הגרשני ללעדן ראשי האבות ללעדן הגרשני--יחיאלי {ס}

²²כב בני יחיאלי--זתם ויואל אחיו על אצרות בית יהוה {ס}

²³כג לעמרמי ליצהרי לחברוני לעזיאלי

²⁴כד ושבאל בן גרשום בן משה נגיד על האצרות {ס}

²⁵כה ואחיו לאליעזר--רחביהו בנו וישעיהו בנו וירם בנו וזכרי בנו ושלמות (ושלמית) בנו

²⁶כו הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות--ושרי הצבא

²⁷כז מן המלחמות ומן השלל הקדישו--לחזק לבית יהוה

²⁸כח וכל ההקדיש שמואל הראה ושאול בן קיש ואבנר בן נר ויואב בן צרויה--כל המקדיש על יד שלמית ואחיו {פ}

²⁹כט ליצהרי כנניהו ובניו למלאכה החיצונה על ישראל--לשטרים ולשפטים

³⁰ל לחברוני חשביהו ואחיו בני חיל אלף ושבע מאות על פקדת ישראל מעבר לירדן מערבה--לכל מלאכת יהוה ולעבדת המלך

³¹לא לחברוני יריה הראש לחברוני לתלדתיו לאבות--בשנת הארבעים למלכות דויד נדרשו וימצא בהם גבורי חיל ביעזיר גלעד

³²לב ואחיו בני חיל אלפים ושבע מאות--ראשי האבות ויפקידם דויד המלך על הראובני והגדי וחצי שבט המנשי לכל דבר האלהים ודבר המלך {פ}