Read כֶּתֶר אֲרָם צוֹבָא - Tanah Aleppo Codex דברי הימים א 6 Bible Online

דברי הימים א 6 - כֶּתֶר אֲרָם צוֹבָא - Tanah Aleppo Codex bible

דברי הימים א 6

¹א בני לוי גרשם קהת ומררי

²ב ואלה שמות בני גרשום לבני ושמעי

³ג ובני קהת--עמרם ויצהר וחברון ועזיאל {ס}

⁴ד בני מררי מחלי ומשי ואלה משפחות הלוי לאבתיהם

⁵ה לגרשום--לבני בנו יחת בנו זמה בנו

⁶ו יואח בנו עדו בנו זרח בנו יאתרי בנו

⁷ז בני קהת--עמינדב בנו קרח בנו אסיר בנו

⁸ח אלקנה בנו ואביסף בנו ואסיר בנו

⁹ט תחת בנו אוריאל בנו עזיה בנו ושאול בנו

¹⁰י ובני אלקנה--עמשי ואחימות

¹¹יא אלקנה--בנו (בני) אלקנה צופי בנו ונחת בנו

¹²יב אליאב בנו ירחם בנו אלקנה בנו

¹³יג ובני שמואל הבכר ושני ואביה {ס}

¹⁴יד בני מררי מחלי לבני בנו שמעי בנו עזה בנו

¹⁵טו שמעא בנו חגיה בנו עשיה בנו {פ}

¹⁶טז ואלה אשר העמיד דויד על ידי שיר--בית יהוה ממנוח הארון

¹⁷יז ויהיו משרתים לפני משכן אהל מועד בשיר עד בנות שלמה את בית יהוה בירושלם ויעמדו כמשפטם על עבודתם

¹⁸יח ואלה העמדים ובניהם מבני הקהתי--הימן המשורר בן יואל בן שמואל

¹⁹יט בן אלקנה בן ירחם בן אליאל בן תוח

²⁰כ בן ציף (צוף) בן אלקנה בן מחת בן עמשי

²¹כא בן אלקנה בן יואל בן עזריה בן צפניה

²²כב בן תחת בן אסיר בן אביסף בן קרח

²³כג בן יצהר בן קהת בן לוי בן ישראל {ס}

²⁴כד ואחיו אסף העמד על ימינו--אסף בן ברכיהו בן שמעא

²⁵כה בן מיכאל בן בעשיה בן מלכיה

²⁶כו בן אתני בן זרח בן עדיה

²⁷כז בן איתן בן זמה בן שמעי

²⁸כח בן יחת בן גרשם בן לוי {ס}

²⁹כט ובני מררי אחיהם על השמאול--איתן בן קישי בן עבדי בן מלוך

³⁰ל בן חשביה בן אמציה בן חלקיה

³¹לא בן אמצי בן בני בן שמר

³²לב בן מחלי בן מושי בן מררי בן לוי {ס}

³³לג ואחיהם הלוים נתונים--לכל עבודת משכן בית האלהים

³⁴לד ואהרן ובניו מקטירים על מזבח העולה ועל מזבח הקטרת לכל מלאכת קדש הקדשים ולכפר על ישראל ככל אשר צוה משה עבד האלהים {פ}

³⁵לה ואלה בני אהרן--אלעזר בנו פינחס בנו אבישוע בנו

³⁶לו בקי בנו עזי בנו זרחיה בנו

³⁷לז מריות בנו אמריה בנו אחיטוב בנו

³⁸לח צדוק בנו אחימעץ בנו {ס}

³⁹לט ואלה מושבותם לטירותם בגבולם--לבני אהרן למשפחת הקהתי כי להם היה הגורל

⁴⁰מ ויתנו להם את חברון בארץ יהודה ואת מגרשיה סביבתיה

⁴¹מא ואת שדה העיר ואת חצריה--נתנו לכלב בן יפנה {ס}

⁴²מב ולבני אהרן נתנו את ערי המקלט--את חברון ואת לבנה ואת מגרשיה ואת יתר ואת אשתמע ואת מגרשיה

⁴³מג ואת חילז ואת מגרשיה את דביר ואת מגרשיה

⁴⁴מד ואת עשן ואת מגרשיה ואת בית שמש ואת מגרשיה {ס}

⁴⁵מה וממטה בנימן את גבע ואת מגרשיה ואת עלמת ואת מגרשיה ואת ענתות ואת מגרשיה כל עריהם שלש עשרה עיר במשפחותיהם {ס}

⁴⁶מו ולבני קהת הנותרים ממשפחת המטה ממחצית מטה חצי מנשה בגורל--ערים עשר {פ}

⁴⁷מז ולבני גרשום למשפחותם ממטה יששכר וממטה אשר וממטה נפתלי וממטה מנשה בבשן--ערים שלש עשרה {ס}

⁴⁸מח לבני מררי למשפחותם ממטה ראובן וממטה גד וממטה זבלון בגורל--ערים שתים עשרה {ס}

⁴⁹מט ויתנו בני ישראל ללוים את הערים ואת מגרשיהם

⁵⁰נ ויתנו בגורל ממטה בני יהודה וממטה בני שמעון וממטה בני בנימן--את הערים האלה אשר יקראו אתהם בשמות {ס}

⁵¹נא וממשפחות בני קהת--ויהי ערי גבולם ממטה אפרים

⁵²נב ויתנו להם את ערי המקלט את שכם ואת מגרשיה--בהר אפרים ואת גזר ואת מגרשיה

⁵³נג ואת יקמעם ואת מגרשיה ואת בית חורון ואת מגרשיה

⁵⁴נד ואת אילון ואת מגרשיה ואת גת רמון ואת מגרשיה

⁵⁵נה וממחצית מטה מנשה את ענר ואת מגרשיה ואת בלעם ואת מגרשיה--למשפחת לבני קהת הנותרים {פ}

⁵⁶נו לבני גרשום--ממשפחת חצי מטה מנשה את גולן בבשן ואת מגרשיה ואת עשתרות ואת מגרשיה

⁵⁷נז וממטה יששכר את קדש ואת מגרשיה את דברת ואת מגרשיה

⁵⁸נח ואת ראמות ואת מגרשיה ואת ענם ואת מגרשיה {ס}

⁵⁹נט וממטה אשר את משל ואת מגרשיה ואת עבדון ואת מגרשיה

⁶⁰ס ואת חוקק ואת מגרשיה ואת רחב ואת מגרשיה {ס}

⁶¹סא וממטה נפתלי את קדש בגליל ואת מגרשיה ואת חמון ואת מגרשיה ואת קריתים ואת מגרשיה {ס}

⁶²סב לבני מררי הנותרים--ממטה זבלון את רמונו ואת מגרשיה את תבור ואת מגרשיה

⁶³סג ומעבר לירדן ירחו למזרח הירדן--ממטה ראובן את בצר במדבר ואת מגרשיה ואת יהצה ואת מגרשיה

⁶⁴סד ואת קדמות ואת מגרשיה ואת מיפעת ואת מגרשיה

⁶⁵סה וממטה גד--את ראמות בגלעד ואת מגרשיה ואת מחנים ואת מגרשיה

⁶⁶סו ואת חשבון ואת מגרשיה ואת יעזיר ואת מגרשיה {ס}