Read כֶּתֶר אֲרָם צוֹבָא - Tanah Aleppo Codex נחמיה 7 Bible Online

נחמיה 7 - כֶּתֶר אֲרָם צוֹבָא - Tanah Aleppo Codex bible

נחמיה 7

¹א ויהי כאשר נבנתה החומה ואעמיד הדלתות ויפקדו השוערים והמשררים והלוים

²ב ואצוה את חנני אחי ואת חנניה שר הבירה--על ירושלם כי הוא כאיש אמת וירא את האלהים מרבים

³ג ויאמר (ואמר) להם לא יפתחו שערי ירושלם עד חם השמש ועד הם עמדים יגיפו הדלתות ואחזו והעמיד משמרות ישבי ירושלם--איש במשמרו ואיש נגד ביתו

⁴ד והעיר רחבת ידים וגדלה והעם מעט בתוכה ואין בתים בנוים

⁵ה ויתן אלהי אל לבי ואקבצה את החרים ואת הסגנים ואת העם להתיחש ואמצא ספר היחש העולים בראשונה ואמצא כתוב בו {פ}

⁶ו אלה בני המדינה העלים משבי הגולה אשר הגלה נבוכדנצר מלך בבל וישובו לירושלם וליהודה איש לעירו

⁷ז הבאים עם זרבבל ישוע נחמיה עזריה רעמיה נחמני מרדכי בלשן מספרת בגוי--נחום בענה מספר אנשי עם ישראל {ס}

⁸ח בני פרעש--אלפים מאה ושבעים ושנים {ס}

⁹ט בני שפטיה שלש מאות שבעים ושנים {ס}

¹⁰י בני ארח שש מאות חמשים ושנים {ס}

¹¹יא בני פחת מואב לבני ישוע ויואב--אלפים ושמנה מאות שמנה עשר {ס}

¹²יב בני עילם--אלף מאתים חמשים וארבעה {ס}

¹³יג בני זתוא שמנה מאות ארבעים וחמשה {ס}

¹⁴יד בני זכי שבע מאות וששים {ס}

¹⁵טו בני בנוי שש מאות ארבעים ושמנה {ס}

¹⁶טז בני בבי שש מאות עשרים ושמנה {ס}

¹⁷יז בני עזגד--אלפים שלש מאות עשרים ושנים {ס}

¹⁸יח בני אדניקם--שש מאות ששים ושבעה {ס}

¹⁹יט בני בגוי אלפים ששים ושבעה {ס}

²⁰כ בני עדין שש מאות חמשים וחמשה {ס}

²¹כא בני אטר לחזקיה תשעים ושמנה {ס}

²²כב בני חשם שלש מאות עשרים ושמנה {ס}

²³כג בני בצי שלש מאות עשרים וארבעה {ס}

²⁴כד בני חריף מאה שנים עשר {ס}

²⁵כה בני גבעון תשעים וחמשה {ס}

²⁶כו אנשי בית לחם ונטפה מאה שמנים ושמנה {ס}

²⁷כז אנשי ענתות מאה עשרים ושמנה {ס}

²⁸כח אנשי בית עזמות ארבעים ושנים {ס}

²⁹כט אנשי קרית יערים כפירה ובארות שבע מאות ארבעים ושלשה {ס}

³⁰ל אנשי הרמה וגבע שש מאות עשרים ואחד {ס}

³¹לא אנשי מכמס מאה ועשרים ושנים {ס}

³²לב אנשי בית אל והעי מאה עשרים ושלשה {ס}

³³לג אנשי נבו אחר חמשים ושנים {ס}

³⁴לד בני עילם אחר--אלף מאתים חמשים וארבעה {ס}

³⁵לה בני חרם שלש מאות ועשרים {ס}

³⁶לו בני ירחו שלש מאות ארבעים וחמשה {ס}

³⁷לז בני לד חדיד ואנו שבע מאות ועשרים ואחד {ס}

³⁸לח בני סנאה--שלשת אלפים תשע מאות ושלשים {פ}

³⁹לט הכהנים בני ידעיה לבית ישוע תשע מאות שבעים ושלשה {ס}

⁴⁰מ בני אמר אלף חמשים ושנים {ס}

⁴¹מא בני פשחור--אלף מאתים ארבעים ושבעה {ס}

⁴²מב בני חרם אלף שבעה עשר {פ}

⁴³מג הלוים בני ישוע לקדמיאל לבני להודוה שבעים וארבעה {ס}

⁴⁴מד המשררים--בני אסף מאה ארבעים ושמנה {ס}

⁴⁵מה השערים בני שלם בני אטר בני טלמן בני עקוב בני חטיטא בני שבי--מאה שלשים ושמנה {ס}

⁴⁶מו הנתינים בני צחא בני חשפא בני טבעות

⁴⁷מז בני קירס בני סיעא בני פדון

⁴⁸מח בני לבנה בני חגבא בני שלמי

⁴⁹מט בני חנן בני גדל בני גחר

⁵⁰נ בני ראיה בני רצין בני נקודא

⁵¹נא בני גזם בני עזא בני פסח

⁵²נב בני בסי בני מעונים בני נפושסים (נפישסים)

⁵³נג בני בקבוק בני חקופא בני חרחור {ס}

⁵⁴נד בני בצלית בני מחידא בני חרשא

⁵⁵נה בני {ר} ברקוס {ס} בני סיסרא {ס} בני תמח {ס}

⁵⁶נו בני {ר} נציח {ס} בני חטיפא {ס}

⁵⁷נז בני עבדי שלמה {ס} בני {ר} סוטי {ס} בני ספרת {ס} בני פרידא {ס}

⁵⁸נח בני {ר} יעלא {ס} בני דרקון {ס} בני גדל {ס}

⁵⁹נט בני {ר} שפטיה {ס} בני חטיל {ס} בני פכרת הצביים-- {ס} בני {ר} אמון

⁶⁰ס כל הנתינים--ובני עבדי שלמה שלש מאות תשעים ושנים {פ}

⁶¹סא ואלה העולים מתל מלח תל חרשא כרוב אדון ואמר ולא יכלו להגיד בית אבתם וזרעם--אם מישראל הם

⁶²סב בני דליה בני טוביה בני נקודא--שש מאות וארבעים ושנים {ס}

⁶³סג ומן הכהנים בני חביה בני הקוץ בני ברזלי אשר לקח מבנות ברזלי הגלעדי אשה ויקרא על שמם

⁶⁴סד אלה בקשו כתבם המתיחשים--ולא נמצא ויגאלו מן הכהנה

⁶⁵סה ויאמר התרשתא להם אשר לא יאכלו מקדש הקדשים--עד עמד הכהן לאורים ותמים

⁶⁶סו כל הקהל כאחד--ארבע רבוא אלפים שלש מאות וששים

⁶⁷סז מלבד עבדיהם ואמהתיהם אלה--שבעת אלפים שלש מאות שלשים ושבעה ולהם משררים ומשררות--מאתים וארבעים וחמשה {ס}

⁶⁸סח גמלים ארבע מאות שלשים וחמשה {ס} חמרים--ששת אלפים שבע מאות ועשרים

⁶⁹סט ומקצת ראשי האבות נתנו למלאכה--התרשתא נתן לאוצר זהב דרכמנים אלף מזרקות חמשים כתנות כהנים שלשים וחמש מאות

⁷⁰ע ומראשי האבות נתנו לאוצר המלאכה--זהב דרכמונים שתי רבות וכסף מנים אלפים ומאתים

⁷¹עא ואשר נתנו שארית העם--זהב דרכמנים שתי רבוא וכסף מנים אלפים וכתנת כהנים ששים ושבעה {פ}

⁷²עב וישבו הכהנים והלוים והשוערים והמשררים ומן העם והנתינים וכל ישראל--בעריהם ויגע החדש השביעי ובני ישראל בעריהם