Read כֶּתֶר אֲרָם צוֹבָא - Tanah Aleppo Codex איוב 19 Bible Online

איוב 19 - כֶּתֶר אֲרָם צוֹבָא - Tanah Aleppo Codex bible

איוב 19

¹א ויען איוב ויאמר

²ב עד-אנה תוגיון נפשי ותדכאונני במלים

³ג זה עשר פעמים תכלימוני לא-תבשו תהכרו-לי

⁴ד ואף-אמנם שגיתי אתי תלין משוגתי

⁵ה אם-אמנם עלי תגדילו ותוכיחו עלי חרפתי

⁶ו דעו-אפו כי-אלוה עותני ומצודו עלי הקיף

⁷ז הן אצעק חמס ולא אענה אשוע ואין משפט

⁸ח ארחי גדר ולא אעבור ועל נתיבותי חשך ישים

⁹ט כבודי מעלי הפשיט ויסר עטרת ראשי

¹⁰י יתצני סביב ואלך ויסע כעץ תקותי

¹¹יא ויחר עלי אפו ויחשבני לו כצריו

¹²יב יחד יבאו גדודיו--ויסלו עלי דרכם ויחנו סביב לאהלי

¹³יג אחי מעלי הרחיק וידעי אך-זרו ממני

¹⁴יד חדלו קרובי ומידעי שכחוני

¹⁵טו גרי ביתי ואמהתי לזר תחשבני נכרי הייתי בעיניהם

¹⁶טז לעבדי קראתי ולא יענה במו-פי אתחנן-לו

¹⁷יז רוחי זרה לאשתי וחנתי לבני בטני

¹⁸יח גם-עוילים מאסו בי אקומה וידברו-בי

¹⁹יט תעבוני כל-מתי סודי וזה-אהבתי נהפכו-בי

²⁰כ בעורי ובבשרי דבקה עצמי ואתמלטה בעור שני

²¹כא חנני חנני אתם רעי כי יד-אלוה נגעה בי

²²כב למה תרדפני כמו-אל ומבשרי לא תשבעו

²³כג מי-יתן אפו ויכתבון מלי מי-יתן בספר ויחקו

²⁴כד בעט-ברזל ועפרת-- לעד בצור יחצבון

²⁵כה ואני ידעתי גאלי חי ואחרון על-עפר יקום

²⁶כו ואחר עורי נקפו-זאת ומבשרי אחזה אלוה

²⁷כז אשר אני אחזה-לי--ועיני ראו ולא-זר כלו כליתי בחקי

²⁸כח כי תאמרו מה-נרדף-לו ושרש דבר נמצא-בי

²⁹כט גורו לכם מפני-חרב--כי-חמה עונות חרב למען תדעון שדין (שדון)