Read כֶּתֶר אֲרָם צוֹבָא - Tanah Aleppo Codex איוב 24 Bible Online

איוב 24 - כֶּתֶר אֲרָם צוֹבָא - Tanah Aleppo Codex bible

איוב 24

¹א מדוע--משדי לא-נצפנו עתים וידעו לא-חזו ימיו

²ב גבלות ישיגו עדר גזלו וירעו

³ג חמור יתומים ינהגו יחבלו שור אלמנה

⁴ד יטו אבינים מדרך יחד חבאו עניי-ארץ

⁵ה הן פראים במדבר-- יצאו בפעלם משחרי לטרף ערבה לו לחם לנערים

⁶ו בשדה בלילו יקצירו (יקצורו) וכרם רשע ילקשו

⁷ז ערום ילינו מבלי לבוש ואין כסות בקרה

⁸ח מזרם הרים ירטבו ומבלי מחסה חבקו-צור

⁹ט יגזלו משד יתום ועל-עני יחבלו

¹⁰י ערום הלכו בלי לבוש ורעבים נשאו עמר

¹¹יא בין-שורתם יצהירו יקבים דרכו ויצמאו

¹²יב מעיר מתים ינאקו-- ונפש-חללים תשוע ואלוה לא-ישים תפלה

¹³יג המה היו--במרדי-אור לא-הכירו דרכיו ולא ישבו בנתיבתיו

¹⁴יד לאור יקום רוצח--יקטל-עני ואביון ובלילה יהי כגנב

¹⁵טו ועין נאף שמרה נשף לאמר-- לא-תשורני עין וסתר פנים ישים

¹⁶טז חתר בחשך בתים יומם חתמו-למו לא-ידעו אור

¹⁷יז כי יחדו בקר למו צלמות כי-יכיר בלהות צלמות

¹⁸יח קל-הוא על-פני-מים-- תקלל חלקתם בארץ לא-יפנה דרך כרמים

¹⁹יט ציה גם-חם יגזלו מימי-שלג שאול חטאו

²⁰כ ישכחהו רחם מתקו רמה-- עוד לא-יזכר ותשבר כעץ עולה

²¹כא רעה עקרה לא תלד ואלמנה לא ייטיב

²²כב ומשך אבירים בכחו יקום ולא-יאמין בחיין

²³כג יתן-לו לבטח וישען ועיניהו על-דרכיהם

²⁴כד רומו מעט ואיננו והמכו ככל יקפצון וכראש שבלת ימלו

²⁵כה ואם-לא אפו מי יכזיבני וישם לאל מלתי