Read כֶּתֶר אֲרָם צוֹבָא - Tanah Aleppo Codex איוב 36 Bible Online

איוב 36 - כֶּתֶר אֲרָם צוֹבָא - Tanah Aleppo Codex bible

איוב 36

¹א ויסף אליהוא ויאמר

²ב כתר-לי זעיר ואחוך כי עוד לאלוה מלים

³ג אשא דעי למרחוק ולפעלי אתן-צדק

⁴ד כי-אמנם לא-שקר מלי תמים דעות עמך

⁵ה הן-אל כביר ולא ימאס כביר כח לב

⁶ו לא-יחיה רשע ומשפט עניים יתן

⁷ז לא-יגרע מצדיק עיניו ואת-מלכים לכסא וישיבם לנצח ויגבהו

⁸ח ואם-אסורים בזקים ילכדון בחבלי-עני

⁹ט ויגד להם פעלם ופשעיהם כי יתגברו

¹⁰י ויגל אזנם למוסר ויאמר כי-ישובון מאון

¹¹יא אם-ישמעו ויעבדו יכלו ימיהם בטוב ושניהם בנעימים

¹²יב ואם-לא ישמעו בשלח יעברו ויגועו בבלי-דעת

¹³יג וחנפי-לב ישימו אף לא ישועו כי אסרם

¹⁴יד תמת בנער נפשם וחיתם בקדשים

¹⁵טו יחלץ עני בעניו ויגל בלחץ אזנם

¹⁶טז ואף הסיתך מפי-צר-- רחב לא-מוצק תחתיה ונחת שלחנך מלא דשן

¹⁷יז ודין-רשע מלאת דין ומשפט יתמכו

¹⁸יח כי-חמה פן-יסיתך בספק ורב-כפר אל-יטך

¹⁹יט היערך שועך לא בצר וכל מאמצי-כח

²⁰כ אל-תשאף הלילה-- לעלות עמים תחתם

²¹כא השמר אל-תפן אל-און כי-על-זה בחרת מעני

²²כב הן-אל ישגיב בכחו מי כמהו מורה

²³כג מי-פקד עליו דרכו ומי-אמר פעלת עולה

²⁴כד זכר כי-תשגיא פעלו-- אשר שררו אנשים

²⁵כה כל-אדם חזו-בו אנוש יביט מרחוק

²⁶כו הן-אל שגיא ולא נדע מספר שניו ולא-חקר

²⁷כז כי יגרע נטפי-מים יזקו מטר לאדו

²⁸כח אשר-יזלו שחקים ירעפו עלי אדם רב

²⁹כט אף אם-יבין מפרשי-עב תשאות סכתו

³⁰ל הן-פרש עליו אורו ושרשי הים כסה

³¹לא כי-בם ידין עמים יתן-אכל למכביר

³²לב על-כפים כסה-אור ויצו עליה במפגיע

³³לג יגיד עליו רעו מקנה אף על-עולה