Read כֶּתֶר אֲרָם צוֹבָא - Tanah Aleppo Codex איוב 5 Bible Online

איוב 5 - כֶּתֶר אֲרָם צוֹבָא - Tanah Aleppo Codex bible

איוב 5

¹א קרא-נא היש עונך ואל-מי מקדשים תפנה

²ב כי-לאויל יהרג-כעש ופתה תמית קנאה

³ג אני-ראיתי אויל משריש ואקוב נוהו פתאם

⁴ד ירחקו בניו מישע וידכאו בשער ואין מציל

⁵ה אשר קצירו רעב יאכל--ואל-מצנים יקחהו ושאף צמים חילם

⁶ו כי לא-יצא מעפר און ומאדמה לא-יצמח עמל

⁷ז כי-אדם לעמל יולד ובני-רשף יגביהו עוף

⁸ח אולם--אני אדרש אל-אל ואל-אלהים אשים דברתי

⁹ט עשה גדלות ואין חקר נפלאות עד-אין מספר

¹⁰י הנתן מטר על-פני-ארץ ושלח מים על-פני חוצות

¹¹יא לשום שפלים למרום וקדרים שגבו ישע

¹²יב מפר מחשבות ערומים ולא-תעשנה ידיהם תשיה

¹³יג לכד חכמים בערמם ועצת נפתלים נמהרה

¹⁴יד יומם יפגשו-חשך וכלילה ימששו בצהרים

¹⁵טו וישע מחרב מפיהם ומיד חזק אביון

¹⁶טז ותהי לדל תקוה ועלתה קפצה פיה

¹⁷יז הנה אשרי אנוש יוכחנו אלוה ומוסר שדי אל-תמאס

¹⁸יח כי הוא יכאיב ויחבש ימחץ וידו תרפינה

¹⁹יט בשש צרות יצילך ובשבע לא-יגע בך רע

²⁰כ ברעב פדך ממות ובמלחמה מידי חרב

²¹כא בשוט לשון תחבא ולא-תירא משד כי יבוא

²²כב לשד ולכפן תשחק ומחית הארץ אל-תירא

²³כג כי עם-אבני השדה בריתך וחית השדה השלמה-לך

²⁴כד וידעת כי-שלום אהלך ופקדת נוך ולא תחטא

²⁵כה וידעת כי-רב זרעך וצאצאיך כעשב הארץ

²⁶כו תבוא בכלח אלי-קבר כעלות גדיש בעתו

²⁷כז הנה-זאת חקרנוה כן-היא שמענה ואתה דע-לך