Read כֶּתֶר אֲרָם צוֹבָא - Tanah Aleppo Codex איוב 6 Bible Online

איוב 6 - כֶּתֶר אֲרָם צוֹבָא - Tanah Aleppo Codex bible

איוב 6

¹א ויען איוב ויאמר

²ב לו--שקול ישקל כעשי והיתי (והותי) במאזנים ישאו-יחד

³ג כי-עתה--מחול ימים יכבד על-כן דברי לעו

⁴ד כי חצי שדי עמדי--אשר חמתם שתה רוחי בעותי אלוה יערכוני

⁵ה הינהק-פרא עלי-דשא אם יגעה-שור על-בלילו

⁶ו היאכל תפל מבלי-מלח אם-יש-טעם בריר חלמות

⁷ז מאנה לנגוע נפשי המה כדוי לחמי

⁸ח מי-יתן תבוא שאלתי ותקותי יתן אלוה

⁹ט ויאל אלוה וידכאני יתר ידו ויבצעני

¹⁰י ותהי-עוד נחמתי-- ואסלדה בחילה לא יחמול כי-לא כחדתי אמרי קדוש

¹¹יא מה-כחי כי-איחל ומה-קצי כי-אאריך נפשי

¹²יב אם-כח אבנים כחי אם-בשרי נחוש

¹³יג האם אין עזרתי בי ותשיה נדחה ממני

¹⁴יד למס מרעהו חסד ויראת שדי יעזוב

¹⁵טו אחי בגדו כמו-נחל כאפיק נחלים יעברו

¹⁶טז הקדרים מני-קרח עלימו יתעלם-שלג

¹⁷יז בעת יזרבו נצמתו בחמו נדעכו ממקומם

¹⁸יח ילפתו ארחות דרכם יעלו בתהו ויאבדו

¹⁹יט הביטו ארחות תמא הליכת שבא קוו-למו

²⁰כ בשו כי-בטח באו עדיה ויחפרו

²¹כא כי-עתה הייתם לא תראו חתת ותיראו

²²כב הכי-אמרתי הבו לי ומכחכם שחדו בעדי

²³כג ומלטוני מיד-צר ומיד עריצים תפדוני

²⁴כד הורוני ואני אחריש ומה-שגיתי הבינו לי

²⁵כה מה-נמרצו אמרי-ישר ומה-יוכיח הוכח מכם

²⁶כו הלהוכח מלים תחשבו ולרוח אמרי נואש

²⁷כז אף-על-יתום תפילו ותכרו על-ריעכם

²⁸כח ועתה הואילו פנו-בי ועל-פניכם אם-אכזב

²⁹כט שובו-נא אל-תהי עולה ושבי (ושבו) עוד צדקי-בה

³⁰ל היש-בלשוני עולה אם-חכי לא-יבין הוות