Read כֶּתֶר אֲרָם צוֹבָא - Tanah Aleppo Codex תהלים 115 Bible Online

תהלים 115 - כֶּתֶר אֲרָם צוֹבָא - Tanah Aleppo Codex bible

תהלים 115

¹א לא לנו יהוה לא-לנו כי-לשמך תן כבוד--על-חסדך על-אמתך

²ב למה יאמרו הגוים איה-נא אלהיהם

³ג ואלהינו בשמים-- כל אשר-חפץ עשה

⁴ד עצביהם כסף וזהב מעשה ידי אדם

⁵ה פה-להם ולא ידברו עינים להם ולא יראו

⁶ו אזנים להם ולא ישמעו אף להם ולא יריחון

⁷ז ידיהם ולא ימישון--רגליהם ולא יהלכו לא-יהגו בגרונם

⁸ח כמוהם יהיו עשיהם-- כל אשר-בטח בהם

⁹ט ישראל בטח ביהוה עזרם ומגנם הוא

¹⁰י בית אהרן בטחו ביהוה עזרם ומגנם הוא

¹¹יא יראי יהוה בטחו ביהוה עזרם ומגנם הוא

¹²יב יהוה זכרנו יברך יברך את-בית ישראל יברך את-בית אהרן

¹³יג יברך יראי יהוה-- הקטנים עם-הגדלים

¹⁴יד יסף יהוה עליכם עליכם ועל בניכם

¹⁵טו ברוכים אתם ליהוה-- עשה שמים וארץ

¹⁶טז השמים שמים ליהוה והארץ נתן לבני-אדם

¹⁷יז לא המתים יהללו-יה ולא כל-ירדי דומה

¹⁸יח ואנחנו נברך יה-- מעתה ועד-עולם הללו-יה