Read כֶּתֶר אֲרָם צוֹבָא - Tanah Aleppo Codex תהלים 137 Bible Online

תהלים 137 - כֶּתֶר אֲרָם צוֹבָא - Tanah Aleppo Codex bible

תהלים 137

¹א על נהרות בבל--שם ישבנו גם-בכינו בזכרנו את-ציון

²ב על-ערבים בתוכה-- תלינו כנרותינו

³ג כי שם שאלונו שובינו דברי-שיר-- ותוללינו שמחה שירו לנו משיר ציון

⁴ד איך--נשיר את-שיר-יהוה על אדמת נכר

⁵ה אם-אשכחך ירושלם-- תשכח ימיני

⁶ו תדבק-לשוני לחכי-- אם-לא אזכרכי אם-לא אעלה את-ירושלם-- על ראש שמחתי

⁷ז זכר יהוה לבני אדום-- את יום ירושלם האמרים ערו ערו-- עד היסוד בה

⁸ח בת-בבל השדודה אשרי שישלם-לך-- את-גמולך שגמלת לנו

⁹ט אשרי שיאחז ונפץ את-עלליך-- אל-הסלע