Read כֶּתֶר אֲרָם צוֹבָא - Tanah Aleppo Codex תהלים 32 Bible Online

תהלים 32 - כֶּתֶר אֲרָם צוֹבָא - Tanah Aleppo Codex bible

תהלים 32

¹א לדוד משכיל אשרי נשוי-פשע כסוי חטאה

²ב אשרי אדם--לא יחשב יהוה לו עון ואין ברוחו רמיה

³ג כי-החרשתי בלו עצמי-- בשאגתי כל-היום

⁴ד כי יומם ולילה-- תכבד עלי ידך נהפך לשדי-- בחרבני קיץ סלה

⁵ה חטאתי אודיעך ועוני לא-כסיתי-- אמרתי אודה עלי פשעי ליהוה ואתה נשאת עון חטאתי סלה

⁶ו על-זאת יתפלל כל-חסיד אליך-- לעת מצא רק לשטף מים רבים-- אליו לא יגיעו

⁷ז אתה סתר לי-- מצר תצרני רני פלט תסובבני סלה

⁸ח אשכילך ואורך--בדרך-זו תלך איעצה עליך עיני

⁹ט אל-תהיו כסוס כפרד-- אין הבין במתג-ורסן עדיו לבלום בל קרב אליך

¹⁰י רבים מכאובים לרשע והבוטח ביהוה--חסד יסובבנו

¹¹יא שמחו ביהוה וגילו צדיקים והרנינו כל-ישרי-לב