Read כֶּתֶר אֲרָם צוֹבָא - Tanah Aleppo Codex תהלים 40 Bible Online

תהלים 40 - כֶּתֶר אֲרָם צוֹבָא - Tanah Aleppo Codex bible

תהלים 40

¹א למנצח לדוד מזמור

²ב קוה קויתי יהוה ויט אלי וישמע שועתי

³ג ויעלני מבור שאון-- מטיט היון ויקם על-סלע רגלי כונן אשרי

⁴ד ויתן בפי שיר חדש-- תהלה לאלהינו יראו רבים וייראו ויבטחו ביהוה

⁵ה אשרי הגבר-- אשר-שם יהוה מבטחו ולא-פנה אל-רהבים ושטי כזב

⁶ו רבות עשית אתה יהוה אלהי-- נפלאתיך ומחשבתיך אלינו אין ערך אליך--אגידה ואדברה עצמו מספר

⁷ז זבח ומנחה לא-חפצת-- אזנים כרית לי עולה וחטאה לא שאלת

⁸ח אז אמרתי הנה-באתי במגלת-ספר כתוב עלי

⁹ט לעשות-רצונך אלהי חפצתי ותורתך בתוך מעי

¹⁰י בשרתי צדק בקהל רב-- הנה שפתי לא אכלא יהוה אתה ידעת

¹¹יא צדקתך לא-כסיתי בתוך לבי-- אמונתך ותשועתך אמרתי לא-כחדתי חסדך ואמתך לקהל רב

¹²יב אתה יהוה-- לא-תכלא רחמיך ממני חסדך ואמתך תמיד יצרוני

¹³יג כי אפפו-עלי רעות עד-אין מספר-- השיגוני עונתי ולא-יכלתי לראות עצמו משערות ראשי ולבי עזבני

¹⁴יד רצה יהוה להצילני יהוה לעזרתי חושה

¹⁵טו יבשו ויחפרו יחד-- מבקשי נפשי לספותה יסגו אחור ויכלמו-- חפצי רעתי

¹⁶טז ישמו על-עקב בשתם-- האמרים לי האח האח

¹⁷יז ישישו וישמחו בך-- כל-מבקשיך יאמרו תמיד יגדל יהוה-- אהבי תשועתך [ (Psalms 40:18) יח ואני עני ואביון-- אדני יחשב-לי עזרתי ומפלטי אתה אלהי אל-תאחר ]