Read כֶּתֶר אֲרָם צוֹבָא - Tanah Aleppo Codex תהלים 42 Bible Online

תהלים 42 - כֶּתֶר אֲרָם צוֹבָא - Tanah Aleppo Codex bible

תהלים 42

¹א למנצח משכיל לבני-קרח

²ב כאיל תערג על-אפיקי-מים-- כן נפשי תערג אליך אלהים

³ג צמאה נפשי לאלהים-- לאל חי מתי אבוא ואראה פני אלהים

⁴ד היתה-לי דמעתי לחם יומם ולילה באמר אלי כל-היום איה אלהיך

⁵ה אלה אזכרה ואשפכה עלי נפשי-- כי אעבר בסך אדדם עד-בית אלהים בקול-רנה ותודה המון חוגג

⁶ו מה-תשתוחחי נפשי-- ותהמי עלי הוחלי לאלהים כי-עוד אודנו-- ישועות פניו

⁷ז אלהי-- עלי נפשי תשתוחח על-כן--אזכרך מארץ ירדן וחרמונים מהר מצער

⁸ח תהום-אל-תהום קורא לקול צנוריך כל-משבריך וגליך עלי עברו

⁹ט יומם יצוה יהוה חסדו ובלילה שירה עמי-- תפלה לאל חיי

¹⁰י אומרה לאל סלעי-- למה שכחתני למה-קדר אלך-- בלחץ אויב

¹¹יא ברצח בעצמותי-- חרפוני צוררי באמרם אלי כל-היום איה אלהיך [ (Psalms 42:12) יב מה-תשתוחחי נפשי-- ומה-תהמי עלי הוחילי לאלהים כי-עוד אודנו-- ישועת פני ואלהי ]