Read כֶּתֶר אֲרָם צוֹבָא - Tanah Aleppo Codex תהלים 72 Bible Online

תהלים 72 - כֶּתֶר אֲרָם צוֹבָא - Tanah Aleppo Codex bible

תהלים 72

¹א לשלמה אלהים--משפטיך למלך תן וצדקתך לבן-מלך

²ב ידין עמך בצדק וענייך במשפט

³ג ישאו הרים שלום לעם וגבעות בצדקה

⁴ד ישפט עניי-עם--יושיע לבני אביון וידכא עושק

⁵ה ייראוך עם-שמש ולפני ירח דור דורים

⁶ו ירד כמטר על-גז כרביבים זרזיף ארץ

⁷ז יפרח-בימיו צדיק ורב שלום עד-בלי ירח

⁸ח וירד מים עד-ים ומנהר עד-אפסי-ארץ

⁹ט לפניו יכרעו ציים ואיביו עפר ילחכו

¹⁰י מלכי תרשיש ואיים מנחה ישיבו מלכי שבא וסבא אשכר יקריבו

¹¹יא וישתחוו-לו כל-מלכים כל-גוים יעבדוהו

¹²יב כי-יציל אביון משוע ועני ואין-עזר לו

¹³יג יחס על-דל ואביון ונפשות אביונים יושיע

¹⁴יד מתוך ומחמס יגאל נפשם וייקר דמם בעיניו

¹⁵טו ויחי-- ויתן-לו מזהב שבא ויתפלל בעדו תמיד כל-היום יברכנהו

¹⁶טז יהי פסת-בר בארץ-- בראש הרים ירעש כלבנון פריו ויציצו מעיר כעשב הארץ

¹⁷יז יהי שמו לעולם-- לפני-שמש ינין (ינון) שמו ויתברכו בו כל-גוים יאשרוהו

¹⁸יח ברוך יהוה אלהים--אלהי ישראל עשה נפלאות לבדו

¹⁹יט וברוך שם כבודו-- לעולם וימלא כבודו את-כל הארץ-- אמן ואמן

²⁰כ כלו תפלות-- דוד בן-ישי