Read כֶּתֶר אֲרָם צוֹבָא - Tanah Aleppo Codex ישעיהו 34 Bible Online

ישעיהו 34 - כֶּתֶר אֲרָם צוֹבָא - Tanah Aleppo Codex bible

ישעיהו 34

¹א קרבו גוים לשמע ולאמים הקשיבו תשמע הארץ ומלאה תבל וכל צאצאיה

²ב כי קצף ליהוה על כל הגוים וחמה על כל צבאם החרימם נתנם לטבח

³ג וחלליהם ישלכו ופגריהם יעלה באשם ונמסו הרים מדמם

⁴ד ונמקו כל צבא השמים ונגלו כספר השמים וכל צבאם יבול--כנבל עלה מגפן וכנבלת מתאנה

⁵ה כי רותה בשמים חרבי הנה על אדום תרד ועל עם חרמי למשפט

⁶ו חרב ליהוה מלאה דם הדשנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום

⁷ז וירדו ראמים עמם ופרים עם אבירים ורותה ארצם מדם ועפרם מחלב ידשן

⁸ח כי יום נקם ליהוה--שנת שלומים לריב ציון

⁹ט ונהפכו נחליה לזפת ועפרה לגפרית והיתה ארצה לזפת בערה

¹⁰י לילה ויומם לא תכבה לעולם יעלה עשנה מדור לדור תחרב--לנצח נצחים אין עבר בה

¹¹יא וירשוה קאת וקפוד וינשוף וערב ישכנו בה ונטה עליה קו תהו ואבני בהו

¹²יב חריה ואין שם מלוכה יקראו וכל שריה יהיו אפס

¹³יג ועלתה ארמנתיה סירים קמוש וחוח במבצריה והיתה נוה תנים חציר לבנות יענה

¹⁴יד ופגשו ציים את איים ושעיר על רעהו יקרא אך שם הרגיעה לילית ומצאה לה מנוח

¹⁵טו שמה קננה קפוז ותמלט ובקעה ודגרה בצלה אך שם נקבצו דיות אשה רעותה

¹⁶טז דרשו מעל ספר יהוה וקראו--אחת מהנה לא נעדרה אשה רעותה לא פקדו כי פי הוא צוה ורוחו הוא קבצן

¹⁷יז והוא הפיל להן גורל וידו חלקתה להם בקו עד עולם יירשוה--לדור ודור ישכנו בה {ס}