Read כֶּתֶר אֲרָם צוֹבָא - Tanah Aleppo Codex יחזקאל 15 Bible Online

יחזקאל 15 - כֶּתֶר אֲרָם צוֹבָא - Tanah Aleppo Codex bible

יחזקאל 15

¹א ויהי דבר יהוה אלי לאמר

²ב בן אדם מה יהיה עץ הגפן מכל עץ--הזמורה אשר היה בעצי היער

³ג היקח ממנו עץ לעשות למלאכה אם יקחו ממנו יתד לתלות עליו כל כלי

⁴ד הנה לאש נתן לאכלה את שני קצותיו אכלה האש ותוכו נחר--היצלח למלאכה

⁵ה הנה בהיותו תמים לא יעשה למלאכה אף כי אש אכלתהו ויחר ונעשה עוד למלאכה {ס}

⁶ו לכן כה אמר אדני יהוה כאשר עץ הגפן בעץ היער אשר נתתיו לאש לאכלה--כן נתתי את ישבי ירושלם

⁷ז ונתתי את פני בהם--מהאש יצאו והאש תאכלם וידעתם כי אני יהוה בשומי את פני בהם

⁸ח ונתתי את הארץ שממה--יען מעלו מעל נאם אדני יהוה {פ}