Read כֶּתֶר אֲרָם צוֹבָא - Tanah Aleppo Codex יחזקאל 19 Bible Online

יחזקאל 19 - כֶּתֶר אֲרָם צוֹבָא - Tanah Aleppo Codex bible

יחזקאל 19

¹א ואתה שא קינה אל נשיאי ישראל

²ב ואמרת מה אמך לביא בין אריות רבצה בתוך כפרים רבתה גוריה

³ג ותעל אחד מגריה כפיר היה וילמד לטרף טרף אדם אכל

⁴ד וישמעו אליו גוים בשחתם נתפש ויבאהו בחחים אל ארץ מצרים

⁵ה ותרא כי נוחלה אבדה תקותה ותקח אחד מגריה כפיר שמתהו

⁶ו ויתהלך בתוך אריות כפיר היה וילמד לטרף טרף אדם אכל

⁷ז וידע אלמנותיו ועריהם החריב ותשם ארץ ומלאה מקול שאגתו

⁸ח ויתנו עליו גוים סביב ממדינות ויפרשו עליו רשתם בשחתם נתפש

⁹ט ויתנהו בסוגר בחחים ויבאהו אל מלך בבל יבאהו במצדות למען לא ישמע קולו עוד אל הרי ישראל {פ}

¹⁰י אמך כגפן בדמך על מים שתולה פריה וענפה היתה ממים רבים

¹¹יא ויהיו לה מטות עז אל שבטי משלים ותגבה קומתו על בין עבתים וירא בגבהו ברב דליתיו

¹²יב ותתש בחמה לארץ השלכה ורוח הקדים הוביש פריה התפרקו ויבשו מטה עזה אש אכלתהו

¹³יג ועתה שתולה במדבר בארץ ציה וצמא

¹⁴יד ותצא אש ממטה בדיה פריה אכלה ולא היה בה מטה עז שבט למשול קינה היא ותהי לקינה {פ}