Read כֶּתֶר אֲרָם צוֹבָא - Tanah Aleppo Codex הושע 11 Bible Online

הושע 11 - כֶּתֶר אֲרָם צוֹבָא - Tanah Aleppo Codex bible

הושע 11

¹א כי נער ישראל ואהבהו וממצרים קראתי לבני

²ב קראו להם כן הלכו מפניהם--לבעלים יזבחו ולפסלים יקטרון

³ג ואנכי תרגלתי לאפרים קחם על זרועתיו ולא ידעו כי רפאתים

⁴ד בחבלי אדם אמשכם בעבתות אהבה ואהיה להם כמרימי על על לחיהם ואט אליו אוכיל

⁵ה לא ישוב אל ארץ מצרים ואשור הוא מלכו כי מאנו לשוב

⁶ו וחלה חרב בעריו וכלתה בדיו ואכלה--ממעצותיהם

⁷ז ועמי תלואים למשובתי ואל על יקראהו--יחד לא ירומם

⁸ח איך אתנך אפרים אמגנך ישראל--איך אתנך כאדמה אשימך כצבאים נהפך עלי לבי יחד נכמרו נחומי

⁹ט לא אעשה חרון אפי לא אשוב לשחת אפרים כי אל אנכי ולא איש--בקרבך קדוש ולא אבוא בעיר

¹⁰י אחרי יהוה ילכו כאריה ישאג כי הוא ישאג ויחרדו בנים מים

¹¹יא יחרדו כצפור ממצרים וכיונה מארץ אשור והושבתים על בתיהם נאם יהוה {ס}