Read כֶּתֶר אֲרָם צוֹבָא - Tanah Aleppo Codex במדבר 1 Bible Online

במדבר 1 - כֶּתֶר אֲרָם צוֹבָא - Tanah Aleppo Codex bible

במדבר 1

¹א וידבר יהוה אל משה במדבר סיני באהל מועד באחד לחדש השני בשנה השנית לצאתם מארץ מצרים--לאמר

²ב שאו את ראש כל עדת בני ישראל למשפחתם לבית אבתם--במספר שמות כל זכר לגלגלתם

³ג מבן עשרים שנה ומעלה כל יצא צבא בישראל--תפקדו אתם לצבאתם אתה ואהרן

⁴ד ואתכם יהיו איש איש למטה--איש ראש לבית אבתיו הוא

⁵ה ואלה שמות האנשים אשר יעמדו אתכם לראובן אליצור בן שדיאור

⁶ו לשמעון שלמיאל בן צורישדי

⁷ז ליהודה נחשון בן עמינדב

⁸ח ליששכר נתנאל בן צוער

⁹ט לזבולן אליאב בן חלן

¹⁰י לבני יוסף--לאפרים אלישמע בן עמיהוד למנשה גמליאל בן פדהצור

¹¹יא לבנימן אבידן בן גדעני

¹²יב לדן אחיעזר בן עמישדי

¹³יג לאשר פגעיאל בן עכרן

¹⁴יד לגד אליסף בן דעואל

¹⁵טו לנפתלי אחירע בן עינן

¹⁶טז אלה קריאי (קרואי) העדה נשיאי מטות אבותם ראשי אלפי ישראל הם

¹⁷יז ויקח משה ואהרן את האנשים האלה אשר נקבו בשמת

¹⁸יח ואת כל העדה הקהילו באחד לחדש השני ויתילדו על משפחתם לבית אבתם במספר שמות מבן עשרים שנה ומעלה--לגלגלתם

¹⁹יט כאשר צוה יהוה את משה ויפקדם במדבר סיני {ס}

²⁰כ ויהיו בני ראובן בכר ישראל תולדתם למשפחתם לבית אבתם במספר שמות לגלגלתם--כל זכר מבן עשרים שנה ומעלה כל יצא צבא

²¹כא פקדיהם למטה ראובן--ששה וארבעים אלף וחמש מאות {פ}

²²כב לבני שמעון תולדתם למשפחתם לבית אבתם פקדיו במספר שמות לגלגלתם--כל זכר מבן עשרים שנה ומעלה כל יצא צבא

²³כג פקדיהם למטה שמעון--תשעה וחמשים אלף ושלש מאות {פ}

²⁴כד לבני גד תולדתם למשפחתם לבית אבתם במספר שמות מבן עשרים שנה ומעלה--כל יצא צבא

²⁵כה פקדיהם למטה גד--חמשה וארבעים אלף ושש מאות וחמשים {פ}

²⁶כו לבני יהודה תולדתם למשפחתם לבית אבתם במספר שמת מבן עשרים שנה ומעלה--כל יצא צבא

²⁷כז פקדיהם למטה יהודה--ארבעה ושבעים אלף ושש מאות {פ}

²⁸כח לבני יששכר תולדתם למשפחתם לבית אבתם במספר שמת מבן עשרים שנה ומעלה--כל יצא צבא

²⁹כט פקדיהם למטה יששכר--ארבעה וחמשים אלף וארבע מאות {פ}

³⁰ל לבני זבולן תולדתם למשפחתם לבית אבתם במספר שמת מבן עשרים שנה ומעלה--כל יצא צבא

³¹לא פקדיהם למטה זבולן--שבעה וחמשים אלף וארבע מאות {פ}

³²לב לבני יוסף לבני אפרים תולדתם למשפחתם לבית אבתם במספר שמת מבן עשרים שנה ומעלה--כל יצא צבא

³³לג פקדיהם למטה אפרים--ארבעים אלף וחמש מאות {פ}

³⁴לד לבני מנשה תולדתם למשפחתם לבית אבתם במספר שמות מבן עשרים שנה ומעלה--כל יצא צבא

³⁵לה פקדיהם למטה מנשה--שנים ושלשים אלף ומאתים {פ}

³⁶לו לבני בנימן תולדתם למשפחתם לבית אבתם במספר שמת מבן עשרים שנה ומעלה--כל יצא צבא

³⁷לז פקדיהם למטה בנימן--חמשה ושלשים אלף וארבע מאות {פ}

³⁸לח לבני דן תולדתם למשפחתם לבית אבתם במספר שמת מבן עשרים שנה ומעלה--כל יצא צבא

³⁹לט פקדיהם למטה דן--שנים וששים אלף ושבע מאות {פ}

⁴⁰מ לבני אשר תולדתם למשפחתם לבית אבתם במספר שמת מבן עשרים שנה ומעלה--כל יצא צבא

⁴¹מא פקדיהם למטה אשר--אחד וארבעים אלף וחמש מאות {פ}

⁴²מב בני נפתלי תולדתם למשפחתם לבית אבתם במספר שמת מבן עשרים שנה ומעלה--כל יצא צבא

⁴³מג פקדיהם למטה נפתלי--שלשה וחמשים אלף וארבע מאות {פ}

⁴⁴מד אלה הפקדים אשר פקד משה ואהרן ונשיאי ישראל--שנים עשר איש איש אחד לבית אבתיו היו

⁴⁵מה ויהיו כל פקודי בני ישראל לבית אבתם מבן עשרים שנה ומעלה כל יצא צבא בישראל

⁴⁶מו ויהיו כל הפקדים--שש מאות אלף ושלשת אלפים וחמש מאות וחמשים

⁴⁷מז והלוים למטה אבתם--לא התפקדו בתוכם {פ}

⁴⁸מח וידבר יהוה אל משה לאמר

⁴⁹מט אך את מטה לוי לא תפקד ואת ראשם לא תשא בתוך בני ישראל

⁵⁰נ ואתה הפקד את הלוים על משכן העדת ועל כל כליו ועל כל אשר לו--המה ישאו את המשכן ואת כל כליו והם ישרתהו וסביב למשכן יחנו

⁵¹נא ובנסע המשכן יורידו אתו הלוים ובחנת המשכן יקימו אתו הלוים והזר הקרב יומת

⁵²נב וחנו בני ישראל איש על מחנהו ואיש על דגלו לצבאתם

⁵³נג והלוים יחנו סביב למשכן העדת ולא יהיה קצף על עדת בני ישראל ושמרו הלוים את משמרת משכן העדות

⁵⁴נד ויעשו בני ישראל ככל אשר צוה יהוה את משה--כן עשו {פ}