Read כֶּתֶר אֲרָם צוֹבָא - Tanah Aleppo Codex במדבר 26 Bible Online

במדבר 26 - כֶּתֶר אֲרָם צוֹבָא - Tanah Aleppo Codex bible

במדבר 26

¹א ויהי אחרי המגפה {פ} ויאמר יהוה אל משה ואל אלעזר בן אהרן הכהן לאמר

²ב שאו את ראש כל עדת בני ישראל מבן עשרים שנה ומעלה--לבית אבתם כל יצא צבא בישראל

³ג וידבר משה ואלעזר הכהן אתם--בערבת מואב על ירדן ירחו לאמר

⁴ד מבן עשרים שנה ומעלה כאשר צוה יהוה את משה ובני ישראל היצאים מארץ מצרים

⁵ה ראובן בכור ישראל בני ראובן חנוך משפחת החנכי לפלוא משפחת הפלאי

⁶ו לחצרן משפחת החצרוני לכרמי משפחת הכרמי

⁷ז אלה משפחת הראובני ויהיו פקדיהם שלשה וארבעים אלף ושבע מאות ושלשים

⁸ח ובני פלוא אליאב

⁹ט ובני אליאב נמואל ודתן ואבירם הוא דתן ואבירם קרואי (קריאי) העדה אשר הצו על משה ועל אהרן בעדת קרח בהצתם על יהוה

¹⁰י ותפתח הארץ את פיה ותבלע אתם ואת קרח--במות העדה באכל האש את חמשים ומאתים איש ויהיו לנס

¹¹יא ובני קרח לא מתו {ס}

¹²יב בני שמעון למשפחתם--לנמואל משפחת הנמואלי לימין משפחת הימיני ליכין משפחת היכיני

¹³יג לזרח משפחת הזרחי לשאול משפחת השאולי

¹⁴יד אלה משפחת השמעני--שנים ועשרים אלף ומאתים {ס}

¹⁵טו בני גד למשפחתם--לצפון משפחת הצפוני לחגי משפחת החגי לשוני משפחת השוני

¹⁶טז לאזני משפחת האזני לערי משפחת הערי

¹⁷יז לארוד משפחת הארודי לאראלי--משפחת האראלי

¹⁸יח אלה משפחת בני גד לפקדיהם--ארבעים אלף וחמש מאות {ס}

¹⁹יט בני יהודה ער ואונן וימת ער ואונן בארץ כנען

²⁰כ ויהיו בני יהודה למשפחתם--לשלה משפחת השלני לפרץ משפחת הפרצי לזרח משפחת הזרחי

²¹כא ויהיו בני פרץ--לחצרן משפחת החצרני לחמול משפחת החמולי

²²כב אלה משפחת יהודה לפקדיהם--ששה ושבעים אלף וחמש מאות {ס}

²³כג בני יששכר למשפחתם--תולע משפחת התולעי לפוה משפחת הפוני

²⁴כד לישוב משפחת הישבי לשמרן משפחת השמרני

²⁵כה אלה משפחת יששכר לפקדיהם--ארבעה וששים אלף ושלש מאות {ס}

²⁶כו בני זבולן למשפחתם--לסרד משפחת הסרדי לאלון משפחת האלני ליחלאל--משפחת היחלאלי

²⁷כז אלה משפחת הזבולני לפקדיהם--ששים אלף וחמש מאות {ס}

²⁸כח בני יוסף למשפחתם--מנשה ואפרים

²⁹כט בני מנשה למכיר משפחת המכירי ומכיר הוליד את גלעד לגלעד משפחת הגלעדי

³⁰ל אלה בני גלעד--איעזר משפחת האיעזרי לחלק משפחת החלקי

³¹לא ואשריאל--משפחת האשראלי ושכם משפחת השכמי

³²לב ושמידע משפחת השמידעי וחפר משפחת החפרי

³³לג וצלפחד בן חפר לא היו לו בנים--כי אם בנות ושם בנות צלפחד--מחלה ונעה חגלה מלכה ותרצה

³⁴לד אלה משפחת מנשה ופקדיהם שנים וחמשים אלף ושבע מאות {ס}

³⁵לה אלה בני אפרים למשפחתם--לשותלח משפחת השתלחי לבכר משפחת הבכרי לתחן משפחת התחני

³⁶לו ואלה בני שותלח--לערן משפחת הערני

³⁷לז אלה משפחת בני אפרים לפקדיהם שנים ושלשים אלף וחמש מאות אלה בני יוסף למשפחתם {ס}

³⁸לח בני בנימן למשפחתם--לבלע משפחת הבלעי לאשבל משפחת האשבלי לאחירם משפחת האחירמי

³⁹לט לשפופם משפחת השופמי לחופם משפחת החופמי

⁴⁰מ ויהיו בני בלע ארד ונעמן--משפחת הארדי לנעמן משפחת הנעמי

⁴¹מא אלה בני בנימן למשפחתם ופקדיהם חמשה וארבעים אלף ושש מאות {ס}

⁴²מב אלה בני דן למשפחתם--לשוחם משפחת השוחמי אלה משפחת דן למשפחתם

⁴³מג כל משפחת השוחמי לפקדיהם--ארבעה וששים אלף וארבע מאות {ס}

⁴⁴מד בני אשר למשפחתם--לימנה משפחת הימנה לישוי משפחת הישוי לבריעה משפחת הבריעי

⁴⁵מה לבני בריעה--לחבר משפחת החברי למלכיאל--משפחת המלכיאלי

⁴⁶מו ושם בת אשר שרח

⁴⁷מז אלה משפחת בני אשר לפקדיהם--שלשה וחמשים אלף וארבע מאות {ס}

⁴⁸מח בני נפתלי למשפחתם--ליחצאל משפחת היחצאלי לגוני משפחת הגוני

⁴⁹מט ליצר משפחת היצרי לשלם משפחת השלמי

⁵⁰נ אלה משפחת נפתלי למשפחתם ופקדיהם חמשה וארבעים אלף וארבע מאות

⁵¹נא אלה פקודי בני ישראל--שש מאות אלף ואלף שבע מאות ושלשים {פ}

⁵²נב וידבר יהוה אל משה לאמר

⁵³נג לאלה תחלק הארץ בנחלה--במספר שמות

⁵⁴נד לרב תרבה נחלתו ולמעט תמעיט נחלתו איש לפי פקדיו יתן נחלתו

⁵⁵נה אך בגורל יחלק את הארץ לשמות מטות אבתם ינחלו

⁵⁶נו על פי הגורל תחלק נחלתו--בין רב למעט {ס}

⁵⁷נז ואלה פקודי הלוי למשפחתם--לגרשון משפחת הגרשני לקהת משפחת הקהתי למררי משפחת המררי

⁵⁸נח אלה משפחת לוי משפחת הלבני משפחת החברני משפחת המחלי משפחת המושי משפחת הקרחי וקהת הולד את עמרם

⁵⁹נט ושם אשת עמרם יוכבד בת לוי אשר ילדה אתה ללוי במצרים ותלד לעמרם את אהרן ואת משה ואת מרים אחתם

⁶⁰ס ויולד לאהרן את נדב ואת אביהוא את אלעזר ואת איתמר

⁶¹סא וימת נדב ואביהוא בהקריבם אש זרה לפני יהוה

⁶²סב ויהיו פקדיהם שלשה ועשרים אלף--כל זכר מבן חדש ומעלה כי לא התפקדו בתוך בני ישראל כי לא נתן להם נחלה בתוך בני ישראל

⁶³סג אלה פקודי משה ואלעזר הכהן--אשר פקדו את בני ישראל בערבת מואב על ירדן ירחו

⁶⁴סד ובאלה לא היה איש מפקודי משה ואהרן הכהן--אשר פקדו את בני ישראל במדבר סיני

⁶⁵סה כי אמר יהוה להם מות ימתו במדבר ולא נותר מהם איש--כי אם כלב בן יפנה ויהושע בן נון {ס}