Read כֶּתֶר אֲרָם צוֹבָא - Tanah Aleppo Codex יהושע 12 Bible Online

יהושע 12 - כֶּתֶר אֲרָם צוֹבָא - Tanah Aleppo Codex bible

יהושע 12

¹א ואלה מלכי הארץ אשר הכו בני ישראל וירשו את ארצם בעבר הירדן מזרחה השמש--מנחל ארנון עד הר חרמון וכל הערבה מזרחה

²ב סיחון מלך האמרי היושב בחשבון--משל מערוער אשר על שפת נחל ארנון ותוך הנחל וחצי הגלעד ועד יבק הנחל גבול בני עמון

³ג והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן--תחת אשדות הפסגה

⁴ד וגבול עוג מלך הבשן מיתר הרפאים--היושב בעשתרות ובאדרעי

⁵ה ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד--גבול סיחון מלך חשבון

⁶ו משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה {ס}

⁷ז ואלה מלכי הארץ אשר הכה יהושע ובני ישראל בעבר הירדן ימה מבעל גד בבקעת הלבנון ועד ההר החלק העלה שעירה ויתנה יהושע לשבטי ישראל ירשה--כמחלקתם

⁸ח בהר ובשפלה ובערבה ובאשדות ובמדבר ובנגב--החתי האמרי והכנעני הפרזי החוי והיבוסי {ש}

⁹ט מלך יריחו {ס} אחד {ס} מלך העי אשר מצד בית אל {ס} אחד {ר}

¹⁰י מלך ירושלם {ס} אחד {ס} מלך חברון {ס} אחד {ר}

¹¹יא מלך ירמות {ס} אחד {ס} מלך לכיש {ס} אחד {ר}

¹²יב מלך עגלון {ס} אחד {ס} מלך גזר {ס} אחד {ר}

¹³יג מלך דבר {ס} אחד {ס} מלך גדר {ס} אחד {ר}

¹⁴יד מלך חרמה {ס} אחד {ס} מלך ערד {ס} אחד {ר}

¹⁵טו מלך לבנה {ס} אחד {ס} מלך עדלם {ס} אחד {ר}

¹⁶טז מלך מקדה {ס} אחד {ס} מלך בית אל {ס} אחד {ר}

¹⁷יז מלך תפוח {ס} אחד {ס} מלך חפר {ס} אחד {ר}

¹⁸יח מלך אפק {ס} אחד {ס} מלך לשרון {ס} אחד {ר}

¹⁹יט מלך מדון {ס} אחד {ס} מלך חצור {ס} אחד {ר}

²⁰כ מלך שמרון מראון {ס} אחד {ס} מלך אכשף {ס} אחד {ר}

²¹כא מלך תענך {ס} אחד {ס} מלך מגדו {ס} אחד {ר}

²²כב מלך קדש {ס} אחד {ס} מלך יקנעם לכרמל {ס} אחד {ר}

²³כג מלך דור לנפת דור {ס} אחד {ס} מלך גוים לגלגל {ס} אחד {ר}

²⁴כד מלך תרצה {ס} אחד {ס} כל מלכים שלשים {ס} ואחד {ר} {ש}