Read כֶּתֶר אֲרָם צוֹבָא - Tanah Aleppo Codex יהושע 19 Bible Online

יהושע 19 - כֶּתֶר אֲרָם צוֹבָא - Tanah Aleppo Codex bible

יהושע 19

¹א ויצא הגורל השני לשמעון--למטה בני שמעון למשפחותם ויהי נחלתם בתוך נחלת בני יהודה

²ב ויהי להם בנחלתם--באר שבע ושבע ומולדה

³ג וחצר שועל ובלה ועצם

⁴ד ואלתולד ובתול וחרמה

⁵ה וצקלג ובית המרכבות וחצר סוסה

⁶ו ובית לבאות ושרוחן ערים שלש עשרה וחצריהן

⁷ז עין רמון ועתר ועשן ערים ארבע וחצריהן

⁸ח וכל החצרים אשר סביבות הערים האלה עד בעלת באר ראמת נגב זאת נחלת מטה בני שמעון--למשפחתם

⁹ט מחבל בני יהודה נחלת בני שמעון כי היה חלק בני יהודה רב מהם וינחלו בני שמעון בתוך נחלתם {פ}

¹⁰י ויעל הגורל השלישי לבני זבולן למשפחתם ויהי גבול נחלתם עד שריד

¹¹יא ועלה גבולם לימה ומרעלה ופגע בדבשת ופגע אל הנחל אשר על פני יקנעם

¹²יב ושב משריד קדמה מזרח השמש על גבול כסלת תבר ויצא אל הדברת ועלה יפיע

¹³יג ומשם עבר קדמה מזרחה גתה חפר עתה קצין ויצא רמון המתאר הנעה

¹⁴יד ונסב אתו הגבול מצפון חנתן והיו תצאתיו גי יפתח אל

¹⁵טו וקטת ונהלל ושמרון וידאלה ובית לחם ערים שתים עשרה וחצריהן

¹⁶טז זאת נחלת בני זבולן למשפחותם--הערים האלה וחצריהן {פ}

¹⁷יז ליששכר--יצא הגורל הרביעי לבני יששכר למשפחותם

¹⁸יח ויהי גבולם--יזרעאלה והכסולת ושונם

¹⁹יט וחפרים ושיאן ואנחרת

²⁰כ והרבית וקשיון ואבץ

²¹כא ורמת ועין גנים ועין חדה ובית פצץ

²²כב ופגע הגבול בתבור ושחצומה (ושחצימה) ובית שמש והיו תצאות גבולם הירדן ערים שש עשרה וחצריהן

²³כג זאת נחלת מטה בני יששכר--למשפחתם הערים וחצריהן {פ}

²⁴כד ויצא הגורל החמישי למטה בני אשר למשפחותם

²⁵כה ויהי גבולם--חלקת וחלי ובטן ואכשף

²⁶כו ואלמלך ועמעד ומשאל ופגע בכרמל הימה ובשיחור לבנת

²⁷כז ושב מזרח השמש בית דגן ופגע בזבלון ובגי יפתח אל צפונה בית העמק ונעיאל ויצא אל כבול משמאל

²⁸כח ועברן ורחב וחמון וקנה עד צידון רבה

²⁹כט ושב הגבול הרמה ועד עיר מבצר צר ושב הגבול חסה ויהיו (והיו) תצאתיו הימה מחבל אכזיבה

³⁰ל ועמה ואפק ורחב ערים עשרים ושתים וחצריהן

³¹לא זאת נחלת מטה בני אשר--למשפחתם הערים האלה וחצריהן {פ}

³²לב לבני נפתלי יצא הגורל הששי--לבני נפתלי למשפחתם

³³לג ויהי גבולם מחלף מאלון בצעננים ואדמי הנקב ויבנאל--עד לקום ויהי תצאתיו הירדן

³⁴לד ושב הגבול ימה אזנות תבור ויצא משם חוקקה ופגע בזבלון מנגב ובאשר פגע מים וביהודה הירדן מזרח השמש

³⁵לה וערי מבצר--הצדים צר וחמת רקת וכנרת

³⁶לו ואדמה והרמה וחצור

³⁷לז וקדש ואדרעי ועין חצור

³⁸לח ויראון ומגדל אל חרם ובית ענת ובית שמש ערים תשע עשרה וחצריהן

³⁹לט זאת נחלת מטה בני נפתלי--למשפחתם הערים וחצריהן {פ}

⁴⁰מ למטה בני דן למשפחתם יצא הגורל השביעי

⁴¹מא ויהי גבול נחלתם--צרעה ואשתאול ועיר שמש

⁴²מב ושעלבין ואילון ויתלה

⁴³מג ואילון ותמנתה ועקרון

⁴⁴מד ואלתקה וגבתון ובעלת

⁴⁵מה ויהד ובני ברק וגת רמון

⁴⁶מו ומי הירקון והרקון עם הגבול מול יפו

⁴⁷מז ויצא גבול בני דן מהם ויעלו בני דן וילחמו עם לשם וילכדו אותה ויכו אותה לפי חרב וירשו אותה וישבו בה ויקראו ללשם דן כשם דן אביהם

⁴⁸מח זאת נחלת מטה בני דן--למשפחתם הערים האלה וחצריהן {ס}

⁴⁹מט ויכלו לנחל את הארץ לגבולתיה ויתנו בני ישראל נחלה ליהושע בן נון בתוכם

⁵⁰נ על פי יהוה נתנו לו את העיר אשר שאל--את תמנת סרח בהר אפרים ויבנה את העיר וישב בה

⁵¹נא אלה הנחלת אשר נחלו אלעזר הכהן ויהושע בן נון וראשי האבות למטות בני ישראל בגורל בשלה לפני יהוה--פתח אהל מועד ויכלו מחלק את הארץ {פ}