Read Tangkhul Naga 1 THOTRINCHĀN 20 Bible Online

1 THOTRINCHĀN 20 - Tangkhul Naga bible

1 THOTRINCHĀN 20

¹ Kum chiwui mayokachāng, awungabing rai khavā atamli, Joabna raimi thānlaga Ammonnaobingwui kha̱-kha̱li kaivai, kala Rabbahli kuinamhaowa. Kha Davidva Jerusalemli pamsai. Kala Joabna Rabbahli yuihaowa.

²Davidna aram awungawui[6] kuihon akuiwui eina khui. Kuihon chi sinā kg. thumrāda mati sha̱kha rita, kala aman kasaka ngalung akha zangsai; kala chi Davidwui kuili ngahonhaowa. Keinung chiwui eina thongthāng kachungkha ana khuiunga.

³Kala apam chili leikasā mibingla khuiungda, horai, kenti kala ngahā singda ot sāngasaka; Ammonnaobingwui keinung kachida Davidna hithāda sāngasaka. Chiwui thili Davidla awui mibingla Jerusalemli latunghaowa.

⁴ Hiwui thili Philistinenaobingli Gezerli rai shokhaowa; kala mireitheiwui naotun Sippaili Hushathpa Sibbecaina sāthathaida Philistinenaobing mayuithuwa.

⁵Philistinenaobingli rai saluishita; kala Goliathwui achinā Gitpa Lahmili Jairwui naomayarana sāthathaowa. Lahmiwui zeipa̱ rā-kharakbingwui raphunthing rikkhaya.

⁶Gathli rai sāluishitta, chili akho-arek kajui mi akha zangsai. Apang ngaworda pāngmareng tharuruk kai, pheila pheimareng tharuruk kāda, apheimareng pāngmareng katonga maga̱da mati kai; ala mireitheiwui naotunwui theisāna.

⁷Ana Israelli mana̱kashi chitharan Davidwui achinā Shime-awui naomayara Jonathanna sāthathaowa.

⁸Gath ngaleiwui mireitheiwui naotunbing hi David eina awui raimibingwui pāngli thisangserhaowa.