Read Tangkhul Naga 1 THOTRINCHĀN 24 Bible Online

1 THOTRINCHĀN 24 - Tangkhul Naga bible

1 THOTRINCHĀN 24

¹Aaronwui naomayarabing ngayarkakhai athishurda hibing hina. Aaronwui naomayarabing: Nadab, Abihu, Eleazar, kala Ithamar.

² Kha Nadab eina Abihuna avāva̱ mathiranglakha thihaowa, naola maleithuthuimana, chiwui vang eina Eleazar eina Ithamarna pāngmon sai.

³Eleazarwui naomayarabingwui eina Zadok, kala Ithamarwui naomayarabingwui eina Ahimelech, anina ngachonmida Davidna athum kachichāwui sāki kajiwui otsin chi ngayeimi.

⁴Ithamarwui naomayarabingwui alungle Eleazarwui naobingna wungva̱ chungmeihaoda, Eleazarwui shimkhurwui eina wungva̱ tharāda tharuk kala Ithamarwui eina chishat da khui.

⁵Kathara shim kala Varivarawui otva̱bing, Eleazarwui einala Ithamarshiwui einala ngaraichāda kalā yanglaga sanga.

⁶Nethanelwui nao Levipa Shemaiah kapimena, awunga, wungnaobing, Zadok pāngmon, kala Abiatharwui naomayara Ahimelech, kala pāngmonbing shimkhur avāva̱ ngarāwui wungva̱bing athum saikorawui mangāli kapikhuisera; avāva̱wui shimkhurwui eina Eleazarwui vang akha kala Ithamarwui vang akha da kapangkhui.

⁷Ka̱lā yanglaga khare chi Jehoiaribwuili tāhaowa; kakhane Jedaiahli,

⁸kakathuma Harimli, khamate Se-orimli,

⁹kaphangā Malchijahli, katharuka Mijaminli,

¹⁰kashine Hakkozli, kachishata Abijahli,

¹¹kachiko Jeshuali, katharā Shecaniahli,

¹²katharāda akha Eliashibli, tharāda kakhane Jakimli,

¹³tharāda kakathuma Huppahli, tharāda khamate Jeshebe-abli,

¹⁴tharāda kaphangā Bilgahli, tharāda katharuka Immerli,

¹⁵tharāda kashine Hezirli, tharāda kachishata Happizzezli,

¹⁶tharāda kachiko Pethahiahli, khamaga̱ Jehezkelli,

¹⁷maga̱da khareli Jachinli, maga̱da kakhane Gamulli,

¹⁸maga̱da kakathuma Delaiahli, maga̱da khamate Ma-aziahli.

¹⁹Israelwui PROHO Varena avāva̱ Aaronli khangachā sāki kaji hāngkahai athishurda PROHOwui shimli kazang eina athum hina kachichāwui otpamli pama.

²⁰Leviwui naomayara khangateibing: Amramwui naobingwui eina Shuba-el; Shuba-elwui naomayarabingwui eina Jehdeiah.

²¹Rehabiahwui: Rehabiahwui naomayarabingwui eina Isshiahna wungva̱na,

²²Izharbingwui Shelomoth, Shelomothwui naomayarabingwui eina Jahath,

²³Hebronwui naomayarabing: Jeriahna wungva̱na; Amariahna kakhane, Jahazielna kakathuma kala Jekameamna khamate,

²⁴Uzzielwui naomayarabing: Micah; Micahwui naomayarabingwui eina Shamir.

²⁵Micahwui achinā Isshiahna; awui naomayarabingwui eina Zechariah.

²⁶Merariwui naomayarabing: Mahli eina Mushi. Ja-aziahwui naomayarabing: Beno,

²⁷Merariwui naomayarabing: Ja-aziahwui naomayarabingli, Beno, Shoham, Zaccur kala Ibri.

²⁸Mahliwui: Eleazar, mayarnao maleimana.

²⁹Kishwui naomayarabing: Jerahmeel.

³⁰Mushiwui naomayarabing: Mahli, Eder kala Jerimoth. Athum hi avāva̱ ngarā shimkhurwui athishurda Levibingwui naomayarabingna.

³¹Hibing hila avāva̱ ngarāwui shimkhurwui wungva̱bingna, agato ngarāla ngaraichāda, kalā yanglaga athumwui achināngarā Aaronwui naomayarabingna kasā thāda Awunga Davidwui mangāli, Zadokwui, Ahimelechwui kala pāngmon eina Levinaobing avāva̱ ngarā shimkhurwui mangāli kapangkhui.