Read Tangkhul Naga 1 THOTRINCHĀN 25 Bible Online

1 THOTRINCHĀN 25 - Tangkhul Naga bible

1 THOTRINCHĀN 25

¹David kala otngarutwui wungva̱bingna lyre, tingteilā kala kortar eina ngasoda hāngmarān khavai Asaph, Heman, kala Jedathunwui naomayarabing kaikhali ngateida phaishokhaiya. Athumwui ot sākharān kala otngarutbing chiya:

²Asaphwui naomayarabing: Zaccur, Joseph, Nethaniah, kala Asharelah, athum hina awungawui ningkachāng otsakli marān khavai athumli Asaphna yanga.

³Jeduthunwui naomayarabingwui eina: Gedaliah, Zeri, Jeshaiah, Shime-i, Hashabiah, kala Mattithiah, athum tharukli avāva̱ Jeduthunna yangmida, PROHOli lyre eina ngasoda ningkashi masotlaa sāda marānmi.

⁴Hemanwui naomayarabing: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti eina Romamti-ezer, Joshbekashah, Mallothi, Hothir, Mahazi-oth;

⁵Athum hi awungawui marān Hemanwui naomayarasera, kala Varena ngashit kahai athishurda ali sokhamiwui vang sochikatki kajina, kaja, Varena Hemanli naomayara tharāda mati kala sha̱nao kathum da mi.

⁶Athumna PROHOwui shimli otram ngatha̱da, kortar, tingteilā kala lyre singlaga avāva̱na sākachithei chiwui athishurda sāki kajina. Asaph, Jeduthun kala Heman, athumna awungawui kakaso athishurda sai.

⁷Ashi chinaongarā PROHOli laa kasā tamkhuida athum kathembing shākhani hangchishatta chishatna.

⁸Khanganola, khararrala, ojāla, katamnaola, athumna sākharān ot chi kalā yanglaga ngayarkhui.

⁹Ka̱lā yanglaga, khare chi Asaphwui vang Josephli tāhaowa; kakhane Gedaliah eina awui chinaongarā, kala awui naomayarabing, tharāda khani;

¹⁰kakathuma Zaccurshi vānaongarā kala chinaongarā tharāda khanili;

¹¹khamate, Izrishi vānaongarā, kala chinaongarā, tharāda khanili,

¹²kaphangāli, Nethaniahshi vānaongarā, kala chinaongarā tharāda khanili,

¹³katharukali, Bukkiahshi vānaongarā, kala chinaongarā tharāda khanili;

¹⁴kashine, Jasharelahshi vānaongarā, kala chinaongarā tharāda khanili,

¹⁵kachishata, Jeshaiahshi vānaongarā, kala chinaongarā tharāda khanili,

¹⁶kachiko, Mattaniahshi vānaongarā, kala chinaongarā tharāda khanili,

¹⁷katharā, Shime-ishi vānaongarā, kala chinaongarā tharāda khanili;

¹⁸tharāda khare, Azarelshi vānaongarā, kala chinaongarā tharāda khanili;

¹⁹tharāda kakhane, Hashabiahshi vānaongarā, kala chinaongarā tharāda khanili;

²⁰tharāda kakathuma, Shuba-elshi vānaongarā, kala chinaongarā tharāda khanili;

²¹tharāda khamate, Mattithiahshi vānaongarā, kala chinaongarā tharāda khanili;

²²tharāda kaphangā, Jeremothshi vānaongarā, kala chinaongarā tharāda khanili;

²³tharāda katharuka, Hananiahshi vānaongarā, kala chinaongarā tharāda khanili;

²⁴tharāda kashine, Joshbekashahshi vānaongarā, kala chinaongarā tharāda khanili;

²⁵tharāda kachishata, Hananishi vānaongarā, kala chinaongarā tharāda khanili;

²⁶tharāda kachiko, Mallothishi vānaongarā, kala chinaongarā tharāda khanili;

²⁷khamaga̱, Eliathahshi vānaongarā, kala chinaongarā tharāda khanili;

²⁸maga̱da khare, Hothirshi vānaongarā, kala chinaongarā tharāda khanili;

²⁹maga̱da kakhane, Giddaltishi vānaongarā, kala chinaongarā tharāda khanili;

³⁰maga̱da kakathuma, Mahazi-othshi vānaongarā, kala chinaongarā tharāda khanili;

³¹maga̱da khamate, Romamti-ezershi vānaongarā, kala chinaongarā tharāda khanili.