Read Tangkhul Naga 1 THOTRINCHĀN 7 Bible Online

1 THOTRINCHĀN 7 - Tangkhul Naga bible

1 THOTRINCHĀN 7

¹Issacharwui naomayarabing: Tola, Puah, Jashub, kala Shimron, athum mati.

²Tolawui naomayarabing: Uzzi, Raphaiah, Jeri-el, Jahmai, Ibsam, kala Shemuel, athum hi avāva̱ Tola shimkhurwui wungva̱bingna, athumwui thotli rai kapingabingna; Davidna munglakha, athumwui mashing thingmaga̱da khani shātharuk leisai.

³Uzziwui naomayara Izrahiah. Kala Izrahiahwui naomayarabing: Michael, Obadiah, Joel, kala Isshiah, athum phangā hi wungva̱sera;

⁴athumli ngasoda, athumwui thot athishurda, avāva̱ ngarāwui shimkhurbing, khum khum eina raikathata thingthumrāda tharuk leisai; kaja athumwui preiva̱̱ naongarā kachungkha leisai.

⁵Mithotwui lairikli kapi kahai athishurda ashiwui athei-asā Issacharwui shangli, rai kapingpingabing thinghangchishatta shini leisai.

⁶Benjaminwui naomayarabing: Bela, Becher, kala Jedia-el, athum kathumna.

⁷Belawui naomayarabing: Ezbon, Uzzi, Uzziel, Jerimoth, kala Iri, athum phangā avāva̱ shimkhurbingwui wungva̱, kapinga mimānga; kala mithot lairikli kapi kahai thingmaga̱da khani thumrāda matina.

⁸Becherwui naomayarabing: Zemirah, Joash, Eliezer, Eli-o-enai. Omri, Jeremoth, Abijah, Anathoth, kala Alemethna. Athum hi Becherwui naosera;

⁹kala mithotwui lairikli kapi kahai thot-thotwui avāva̱ shimkhurbingwui wungva̱bing ngasāda rai kapingabing thingmaga̱ shākhanina.

¹⁰Jadia-elwui naomayarabing: Bilhan, Bilhanwui naobing: Jeush, Benjamin, Ehud, Chenaanah, Zethan, Tarshish kala Ahishahar,

¹¹Saikora hi Jedia-elwui naomayarabing avāva̱ shimkhurwui wungva̱bingwui athishurda rai kapingabing, raili vākashapbing, thingztharāda shini shākhanina.

¹²Shuppim eina Huppim Irwui naomayarana; kala Hushim Aherwui naomayarana.

¹³Naphtaliwui naomayarabing: Jahzi-el, Guni, Jezer, kala Shallum athum Bilhahwui naotheina.

¹⁴Manassehwui naomayarabing: Asri-elli Arameanpava̱ angashirva̱na kapharāna: preiva̱̱ hina Gileadwui avāva̱ Machirli pharai.

¹⁵Machirna Huppimwui eina Shuppimwui vang preiva̱̱ phami. Azarva̱wui ming Maacah hoi. Kala kakhanewui ming Zelophehad hoi, awui naongalāva̱mang kachungkha lei.

¹⁶Machirwui preiva̱̱ Maacahna kapharā naomayara chili ava̱va̱na Peresh phokmi; agatoli Sheresh hoi, awui naomayarabing chi Ulam eina Rakemna.

¹⁷Ulamwui naomayarabing: Bedan. Hibing hi Manassehwui naomayara Machirwui naomayara Gileadwui naomayarabingna.

¹⁸Azarva̱ Hammolechethna Ishhod, Abi-ezer, kala Mahlah athumli pharai.

¹⁹Shemidawui naomayarabing, Ahian, Shechem, Likhi, kala Aniamna.

²⁰Ephraimwui naomayarabing: Shuthelah kala awui nao Bered, awui naomayara Tahath, awui naomayara El-eadah, awui naomayara Tahath,

²¹awui naomayara Zabad, awui naomayara Shuthelah, kala Ezer, eina Ele-ad, anili Gadwui ngalei chili kapharābingna sāthathaowa, kaja anina athumwui sha̱kei tāngapona.

²²Chiwui vang avāva̱ Ephraimna kasāngkha chapngachai kala achinā ngarāna ali ning mathān khavai rāhangphanepmi.

²³Kala Ephraimna apreiva̱li ngasoda mayarnao akha pharālui; awui ming Beriah phokmi, kaja shimkhurli kalāshāt rātāhaowa.

²⁴Anaongalāva̱li Sheerah hoi, Beth-horonwui kala Uzzen-sheerahwui Atung eina Azing ana sākāthathui.

²⁵Rephah hi anaomayarana, Rephahwui nao Resheph, awui nao Telah, awui nao Tahan,

²⁶awui nao Ladan, awui nao Ammihud, awui nao Elishama,

²⁷awui nao Nun, awui nao Joshuana.

²⁸Athumwui shimlui kala rampānna Bethel kala chiwui keinungbing, zingshoshongwui Naaran, zingtunshongwui Gezer kala chiwui keinungbing, Shechem kala chiwui keinungbing, Ayyah kala chiwui keinungbing;

²⁹chili lāngda Manassbingwui leiret, Beth-shean kala chiwui keinungbing, Taanach kala chiwui keinungbing, Megiddo kala chiwui keinungbing, Dor kala chiwui keinungbing. Hili Israelwui naomayara Josephwui naomayarabing pāna.

³⁰Asherwui naomayarabing: Imnah, Ishvah, Ishvi, Beriah, kala azarva Serah.

³¹Beriahwui naomayarabing: Heber, kala Birzaithwui avāva̱ Malchi-el.

³²Heberna Japhlet, Shomer, Hotham, kala athumwui azarva̱ Shuawui avāva̱na.

³³Japhletwui naomayarabing: Pasach, Bimhal, kala Ashvath. Hi Japhletwui naobingna.

³⁴Achinā Shemerwui naomayarabing: Rohgah, Jehubbah, kala Aram.

³⁵Achinā Helemwui naomayarabing: Zophah, Imna, Shelesh kala Amal.

³⁶Zophahwui naomayarabing: Suah, Harnepher, Shual, Beri, Imrah,

³⁷Bezer, Hod, Shamma, Shilshah, Ithran kala Be-era.

³⁸Jetherwui naomayarabing: Jephunneh, Pispa, kala Ara.

³⁹Ullawui naomayarabing: Arah, Hanniel, kala Rizia.

⁴⁰Athum saikora Asherwui mibingna, avāva̱ ngarā shimkhurwui wungva̱, wungnaobingwui khareiyabingna. Athumwui mashing mithot lairikli kapikakhui athishurda ming chankahai raili vākashap mi thingmaga̱da tharukna.